ആപ്പിളിന്റെ തൊലി കളയേണ്ട, ആരോ​ഗ്യ ​ഗുണങ്ങൾ ഏറെ

ആപ്പി‌ളിന്റെ തൊലി കളഞ്ഞ ശേഷമാണ് പലരും ആപ്പിൾ കഴിക്കാറുള്ളത്.

ആപ്പിൾ തൊലികളിൽ ചേർക്കപ്പെടുന്ന കീടനാശിനികളും മെഴുക്കും എല്ലാം മനുഷ്യ ശരീരത്തിന് ഏറ്റവുമധികം ദോഷകരമാണെന്നുള്ളത് കൊണ്ടാണ് ആളുകൾ തൊലി കളഞ്ഞ് ആപ്പിൾ കഴിക്കുന്നത്.

എന്നാൽ നമ്മുടെ ശരീരത്തിന്റെ സുഗമമായ പ്രവർത്തനത്തിനും ആരോഗ്യത്തിനുമെല്ലാം സഹായിക്കുന്ന അനവധി പോഷകങ്ങൾ ആപ്പിൾ തൊലികളിൽ നിറഞ്ഞിരിക്കുന്നു എന്ന സത്യവും നാം കണക്കിലെടുക്കേണ്ടതുണ്ട്.

വിറ്റാമിൻ എ, സി, കെ എന്നിവ ആപ്പിളിന്റെ തൊലിയിൽ കാണപ്പെടുന്നു. പൊട്ടാസ്യം, ഫോസ്ഫറസ്, കാൽസ്യം തുടങ്ങിയ അവശ്യ ധാതുക്കളും ഇതിൽ അടങ്ങിയിട്ടുണ്ട്. ഈ പോഷകങ്ങളെല്ലാം ഹൃദയം, ഞരമ്പുകൾ, തലച്ചോറ്, ചർമ്മം, എല്ലുകൾ എന്നിവയുടെ ആരോഗ്യത്തിന് ​പ്രധാനമാണ്.

ആപ്പിൾ തൊലിയിൽ ലയിക്കുന്നതും ലയിക്കാത്തതുമായ നാരുകൾ അടങ്ങിയിട്ടുണ്ട്. ഇത് സ്ഥിരമായി കഴിക്കുന്നത് വഴി മലബന്ധത്തെ തടയാൻ സഹായിക്കുന്നു. ആപ്പിൾ തൊലിയിൽ വിറ്റാമിൻ സി, എ എന്നിവ അടങ്ങിയിട്ടുണ്ട്.

ആപ്പിളിന്റെ തൊലികളിൽ വിറ്റാമിൻ സി, ക്വെർസെറ്റിൻ തുടങ്ങിയ ആന്റിഓക്‌സിഡന്റുകൾ ധാരാളമുണ്ട്. ഈ ശക്തമായ സംയുക്തങ്ങൾ ചർമ്മത്തെ ഓക്സിഡേറ്റീവ് സമ്മർദ്ദത്തിൽ നിന്ന് സംരക്ഷിക്കുന്നു. അകാല വാർദ്ധക്യം മന്ദഗതിയിലാക്കാൻ സഹായിക്കുന്നു, ആരോഗ്യകരവും യുവത്വവുമായ തിളക്കം നൽകുന്നു.

ആപ്പിൾ തൊലിയിൽ ക്വെർസെറ്റിൻ എന്ന ഫ്ലേവനോയ്ഡ് അടങ്ങിയിട്ടുണ്ട്. ഇത് ശ്വാസകോശത്തിന്റെ മികച്ച പ്രവർത്തനത്തിന് സഹായിക്കുന്ന ഘടകമാണ്.