ഇനി ഈസിയായി ഉറുമ്പിനെ തുരത്താം

മിക്ക വീടുകളിലേയും ഒരു പ്രധാന ശല്യക്കാരാണ് ഉറുമ്പുകൾ.

ഇവയെ തുരത്താനുള്ള ഏറ്റവും ഫലപ്രദമായ ചില പൊടിക്കൈകൾ പറഞ്ഞ് തരാം.

വിനാഗിരി സ്പ്രേ

വെള്ളത്തിൽ കുറച്ച് വിനാഗിരി ചേർത്തത്തിന് ശേഷം ഉറുമ്പ് വരുന്ന സ്ഥലങ്ങളിൽ സ്പ്രേ ചെയ്താൽ ഉറുമ്പിനെ എളുപ്പം തുരത്താൻ സാധിക്കും.

വഴികൾ അടയ്ക്കാം

പുറത്തുനിന്നും വീടിനുള്ളിലേക്ക് ഉറുമ്പ് വരുന്നതിനെ തടയാൻ വഴികൾ അടയ്ക്കാം. ജനാലകൾ, വാതിൽ എന്നിവിടങ്ങളിൽ ദ്വാരങ്ങൾ ഉണ്ടെങ്കിൽ അത് ഉടൻ അടയ്ക്കാൻ ശ്രദ്ധിക്കണം.

ഗ്രാമ്പു, കറുവപ്പട്ട

കറുവപ്പട്ട, ഗ്രാമ്പു എന്നിവയുടെ ഗന്ധം ഉറുമ്പുകൾക്ക് അതിജീവിക്കാൻ സാധിക്കുകയില്ല. ഇവ പൊടിച്ച് ഉറുമ്പ് വരുന്ന ഭാ​ഗങ്ങളിൽ വിതറിയാൽ ഉറുമ്പിനെ തുരത്താൻ സാധിക്കും.

അടുക്കള വൃത്തിയാക്കാം

അടുക്കള എപ്പോഴും വൃത്തിയാക്കി സൂക്ഷിക്കുക. ഭക്ഷണാവശിഷ്ടങ്ങളും മാലിന്യങ്ങളും ഉണ്ടാകുമ്പോൾ ഉറുമ്പിന്റെ ശല്യവും വർധിക്കുന്നു.

വയന ഇല

ഉറുമ്പിനെ തുരത്താൻ വയന ഇല നല്ലതാണ്. പഞ്ചസാര, ധാന്യങ്ങൾ എന്നിവ സൂക്ഷിക്കുന്നിടത്ത് വയന ഇല ഇട്ടാൽ മതി.