5ജി വന്നിട്ടും നെറ്റ് സ്ലോവാണോ? സെറ്റിങ്സിൽ ഇതൊന്ന് ഒന്ന് മാറ്റി നോക്കൂ

രാജ്യത്ത് എവിടെ നോക്കിയാലും 5ജി സേവനങ്ങൾ ആണ്.

എന്നാൽ ഇത്ര വ്യാപകമായിട്ടും പ്രതീക്ഷിച്ച സ്പീഡ് ഫോണിൽ ലഭിക്കുന്നില്ലല്ലോ?

പലപ്പോഴും മൊബൈൽ നെറ്റ്‌വർക്കിന്റെ പ്രശ്നത്തേക്കാൾ ഉപരി, നമ്മുടെ ഫോണിലെ ചില ക്രമീകരണങ്ങളിലെ (Settings) പിഴവാകാം ഇതിന് കാരണം.

ഇന്റർനെറ്റ് സ്പീഡ് കൂട്ടാൻ ഫോണിൽ ശ്രദ്ധിക്കേണ്ട ചില കാര്യങ്ങൾ നോക്കാം.

ഫോൺ സെറ്റിങ്സിൽ 'സിം കാർഡ് ആൻഡ് മൊബൈൽ നെറ്റ്‌വർക്ക്'എന്ന ഓപ്ഷൻ എടുക്കുക.

ഇതിൽ 'പ്രിഫേർഡ് നെറ്റ്‌വർക്ക് ടൈപ്പ്' എന്നത് '5G/4G/3G/2G (Auto)' എന്ന മോഡിലാണോ എന്ന് ഉറപ്പുവരുത്തുക. ചിലപ്പോൾ ഇത് 'LTE Only' അല്ലെങ്കിൽ '4G' എന്നതിലായിരിക്കും സെറ്റ് ചെയ്തിട്ടുണ്ടാവുക. അങ്ങനെയാണെങ്കിൽ 5ജി കവറേജ് ഉള്ള സ്ഥലത്താണെങ്കിൽ പോലും 5ജി വേഗത ലഭിക്കില്ല.

'ഡാറ്റ സേവർ' അല്ലെങ്കിൽ 'ലോ ഡാറ്റ മോഡ്' ഓൺ ചെയ്ത് വെച്ചിട്ടുണ്ടോ എന്ന് പരിശോധിക്കുക. ഡാറ്റ ലാഭിക്കാൻ ഇത് സഹായിക്കുമെങ്കിലും ഇന്റർനെറ്റ് വേഗത ഗണ്യമായി കുറയ്ക്കാൻ ഇത് കാരണമാകും.

ബാക്ക്ഗ്രൗണ്ടിൽ പ്രവർത്തിക്കുന്ന അനാവശ്യ ആപ്പുകൾ ക്ലോസ് ചെയ്യുന്നതും, ഓട്ടമാറ്റിക് ആപ്പ് അപ്‌ഡേറ്റുകൾ വൈഫൈയിലേക്ക് മാത്രമായി പരിമിതപ്പെടുത്തുന്നതും മൊബൈൽ ഡാറ്റയുടെ വേഗത കൂടാൻ സഹായിക്കും.

ഇതെല്ലാം ചെയ്തിട്ടും സ്പീഡ് ലഭിക്കുന്നില്ലെങ്കിൽ 'എ പിഎൻ' സെറ്റിങ്സ് റീസെറ്റ് ചെയ്തു നോക്കാവുന്നതാണ്. നെറ്റ്‌വർക്ക് സെറ്റിങ്സിൽ തന്നെ ഇതിനുള്ള ഓപ്ഷൻ ലഭ്യമാണ്.

ഇതിനായി 'റീസെറ്റ് ടു ഡിഫോൾട്ട്' നൽകിയാൽ മതിയാകും. ഫോൺ ഇടയ്ക്കിടെ 'റീസ്റ്റാർട്ട്' ചെയ്യുന്നതോ അല്ലെങ്കിൽ 'ഫ്ളൈറ്റ് മോഡ്' ഓൺ ചെയ്ത് ഓഫ് ചെയ്യുന്നതോ നെറ്റ്‌വർക്ക് റിഫ്രഷ് ആകാനും സിഗ്നൽ ശക്തിപ്പെടാനും സഹായിക്കുന്ന എളുപ്പവഴികളാണ്.