സമകാലിക മലയാളം ഡെസ്ക്
ദക്ഷിണാഫ്രിക്കക്കെതിരായ ലോക ടെസ്റ്റ് ചാംപ്യന്‍ഷിപ്പ് ഫൈനലില്‍ ലോക റെക്കോര്‍ഡ് സ്ഥാപിച്ച് ഓസ്‌ട്രേലിയന്‍ ക്യാപ്റ്റന്‍ പാറ്റ് കമ്മിന്‍സ് (Pat Cummins).
മത്സരത്തിന്റെ ഒന്നാം ഇന്നിങ്‌സില്‍ 6 വിക്കറ്റുകള്‍ വീഴ്ത്തിയാണ് ഓസീസ് നായകന്‍ ചരിത്രമെഴുതിയത്.
ഐസിസി ഫൈനലില്‍ അഞ്ചോ അതില്‍ കൂടുതലോ വിക്കറ്റുകള്‍ വീഴ്ത്തുന്ന ചരിത്രത്തിലെ ആദ്യ ക്യാപ്റ്റനായി കമ്മിന്‍സ് മാറി.
മത്സരത്തില്‍ വെറും 28 റണ്‍സ് മാത്രം വഴങ്ങിയാണ് കമ്മിന്‍സ് 6 പ്രോട്ടീസ് വിക്കറ്റുകള്‍ പിഴുതത്.
ലോക റെക്കോര്‍ഡ് നേട്ടത്തിനൊപ്പം ടെസ്റ്റില്‍ 300 വിക്കറ്റുകളെന്ന നാഴികക്കല്ലും ഓസീസ് ക്യാപ്റ്റന്‍ താണ്ടി.
ഐസിസി ഫൈനലില്‍ മുന്‍പ് നാല് വിക്കറ്റുകള്‍ രണ്ട് പേര്‍ വീഴ്ത്തിയിട്ടുണ്ട്. ബഹ്‌റൈന്‍ ക്യാപ്റ്റന്‍ സര്‍ഫറാസ് അലിയും പാകിസ്ഥാന്‍ ക്യാപ്റ്റന്‍ വസീം അക്രവും.
സര്‍ഫറാസ് 2022ല്‍ ചതുര്‍രാഷ്ട്ര പോരാട്ടത്തിലും അക്രം 1993ലെ വില്‍സ് ട്രോഫി ഫൈനലിലുമാണ് ഐസിസി പോരില്‍ നാല് വിക്കറ്റുകള്‍ വീഴ്ത്തിയത്.
ലോര്‍ഡ്‌സില്‍ ഏറ്റവും മികച്ച ബൗളിങ് പ്രകടനം ടെസ്റ്റില്‍ നടത്തുന്ന ക്യാപ്റ്റനായും കമ്മിന്‍സ് മാറി.
1982ല്‍ ബോബ് വില്ലിസും ലോര്‍ഡ്‌സിലെ ടെസ്റ്റ് പോരാട്ടത്തില്‍ 6 വിക്കറ്റുകള്‍ നേടിയിട്ടുണ്ട്. എന്നാല്‍ 101 റണ്‍സ് വഴങ്ങിയിരുന്നു.
ടെസ്റ്റില്‍ ഏറ്റവും കൂടുതല്‍ 5 വിക്കറ്റ് നേട്ടമുള്ള നായകന്‍മാരുടെ എലീറ്റ് പട്ടികയില്‍ കമ്മിന്‍സ് രണ്ടാം സ്ഥാനത്തുമെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates