ശ്രദ്ധിക്കൂ... കുക്കറിൽ ഒളിഞ്ഞിരിപ്പുണ്ട് അപകടം

അടുക്കളയിൽ പാചകം ചെയ്യുമ്പോൾ എല്ലാവരും ഏറ്റവും കൂടുതൽ ഉപയോ​ഗിക്കുന്ന പാത്രം, അത് കുക്കറാണ്.

ഉയർന്ന ചൂടിലാണ് പ്രഷർ കുക്കറുകൾ പ്രവർത്തിക്കുന്നത്. അതുകൊണ്ട് തന്നെ ചെറിയ ഭാഗങ്ങൾ വേഗത്തിൽ കേടാകാൻ സാധ്യത കൂടുതലാണ്.

അടുക്കളയിൽ ഏറ്റവും വലിയ പെട്ടിത്തെറികൾക്കുള്ള കാരണവും മിക്ക സമയവും കുക്കറുകൾ തന്നെയാണ്.

കുക്കറുകൾ തരുന്ന ചില മുന്നറിയിപ്പുകൾ ശ്രദ്ധിച്ച് പരിഹരിച്ചാൽ ഇത്തരത്തിലുള്ള അപകടങ്ങളിൽ നിന്നും രക്ഷപ്പെടാം.

റബ്ബർ വാഷർ ലൂസാവുക.

മൂടിക്കും കുക്കറിനും ഇടയിലുള്ള റബ്ബർ വാഷർ ലൂസ് ആവുകയോ ചെറിയ വിള്ളലുകൾ വരികയോ ചെയ്താൽ ആവി പുറത്തുപോകും. ഇത് കുക്കർ കൃത്യമായി അടയുന്നില്ല എന്നതിന്റെ പ്രധാന സൂചനയാണ്.

വിസില്‍ തകരാറുകള്‍

വെയിറ്റ് (വിസിൽ) കൃത്യമായി ഇരിക്കാതിരിക്കുകയോ, വേണ്ടത്ര പ്രഷർ പുറത്തുവിടാതിരിക്കുകയോ ചെയ്താൽ അത് അപകടകരമാണ്. പല വലിയ പൊട്ടിത്തെറികൾക്കും ഇത് കാരണമാവും. അതുപോലെ ചൂട് ആവിയും വെള്ളവും ഒരുപോലെ പുറത്തേക്ക് തള്ളി വരാനും, പൊള്ളൽപോലെയുള്ള അപകടം ഉണ്ടാക്കാനും സാധ്യത ഏറെയാണ്.

സേഫ്റ്റി വാൽവ്

സേഫ്റ്റി വാൽവ് തുരുമ്പെടുക്കുകയോ, അടഞ്ഞുപോകുകയോ, പൊങ്ങിപ്പോകാനുള്ള സാധ്യത കാണിക്കുകയോ ചെയ്താൽ അത് ഉടൻ മാറ്റണം. ഇതാണ് കുക്കറിലെ ഏറ്റവും പ്രധാനപ്പെട്ട സുരക്ഷാ സംവിധാനം. സുരക്ഷാ വാൽവ് തകരാറിലാകുന്നത് അമിത മർദത്തിനും അപകടങ്ങൾക്കും കാരണമാകും.

മൂടിയും കൈപ്പിടിയും

കുക്കറിന്റെ കൈപ്പിടി ഇളകുകയോ, മൂടി ലോക്ക് ചെയ്യുന്ന ഭാഗത്തിന് തകരാർ സംഭവിക്കുകയോ ചെയ്യുന്നത് ശ്രദ്ധിക്കണം. ഇത് കുക്കറിൽ പ്രഷർ വരുമ്പോൾ കുക്കർ തനിയ തുറക്കാനും വലിയ അപകടങ്ങൾ ഉണ്ടാകാനും കാരണമാകും.

പോറലുകള്‍

കുക്കറിന്‍റെ പ്രധാന ബോഡിയിൽ എവിടെയെങ്കിലും വിള്ളലുകളോ വലിയ പോറലുകളോ കാണുന്നത് അപകടമാണ്.