പിസിഒഎസ് ഇനി മുതൽ പിഎംഒഎസ്

ദശലക്ഷക്കണക്കിന് സ്ത്രീകൾ നേരിടുന്ന പ്രധാന ആരോഗ്യ പ്രശ്നമായ പോളിസിസ്റ്റിക് ഓവറി സിൻഡ്രോം(PCOS)

എന്നാൽ ഇനി മുതൽ പിസിഒഎസ് 'പോളിഎൻഡോക്രൈൻ മെറ്റബോളിക് ഒവേറിയൻ സിൻഡ്രോം ' (PMOS) എന്നാണ് അറിയപ്പെടുക.

ലോകമെമ്പാടുമുള്ള സ്ത്രീകളിൽ ഈ അവസ്ഥയെക്കുറിച്ചുള്ള അവബോധം വർദ്ധിപ്പിക്കുന്നതിനും മികച്ച ചികിത്സ ഉറപ്പാക്കുന്നതിനുമുള്ള ആഗോള നീക്കത്തിന്റെ ഭാഗമായാണ് ഈ മാറ്റം.

മൊണാഷ് യൂണിവേഴ്സിറ്റിയുടെ നേതൃത്വത്തിൽ നടന്ന ​ഗവേഷകരുടെ പഠനങ്ങൾക്കൊടുവിലാണ് പുതിയ തീരുമാനം.

പിസിഒഎസ് എന്ന പഴയ പേര് ഈ രോഗാവസ്ഥയെക്കുറിച്ച് പലരിലും തെറ്റിദ്ധാരണ ഉണ്ടാക്കിയിരുന്നുവെന്ന് ഗവേഷകർ ചൂണ്ടിക്കാട്ടുന്നു.

അണ്ഡാശയത്തിലെ മുഴകളാണ് ഈ രോഗത്തിന്റെ പ്രധാന ലക്ഷണമെന് പേര് സൂചിപ്പിക്കുന്നുണ്ടെങ്കിലും, ഈ രോഗബാധിതരായ എല്ലാ സ്ത്രീകൾക്കും അണ്ഡാശയത്തിൽ മുഴകൾ ഉണ്ടാകണമെന്നില്ല.

ഇത് അണ്ഡാശയത്തെ മാത്രം ബാധിക്കുന്ന ഒന്നല്ല, മറിച്ച് ശരീരത്തിലെ ഹോർമോണുകളെയും മെറ്റബോളിക് സിസ്റ്റത്തിനെയും ബാധിക്കുന്ന സങ്കീർണ്ണമായ അവസ്ഥയാണെന്നും പഴയ പേര് വ്യക്തമാക്കുന്നില്ല.

ഈ തെറ്റിദ്ധാരണ കാരണം പലരിലും രോഗനിർണ്ണയം വൈകുകയും കൃത്യമായ ചികിത്സ ലഭിക്കാതെ വരികയും ചെയ്തിരുന്നതായും ഗവേഷകർ ചൂണ്ടിക്കാട്ടി.

ശരീരത്തിന്റെ മെറ്റബോളിക് ആരോഗ്യത്തിന് കൂടുതൽ പ്രാധാന്യം നൽകാനാണ് ഈ മാറ്റത്തിലൂടെ ലക്ഷ്യമിടുന്നത്.

ഇൻസുലിൻ സംബന്ധമായ പ്രശ്നങ്ങളും അമിതവണ്ണവും കൃത്യമായി മനസ്സിലാക്കാൻ ഇത് സ്ത്രീകൾക്ക് ഏറെ സഹായകമാകും.

രോഗനിർണ്ണയത്തിലും ചികിത്സയിലും ഇതൊരു വലിയ ചുവടുവെപ്പാകുമെന്നാണ് വിദ​ഗ്ധരുടെ വിലയിരുത്തൽ.