തൈറോയ്ഡ് ഉള്ളവർ ഈ ഭക്ഷണങ്ങൾ കഴിക്കല്ലേ...

നമ്മുടെ ചുറ്റും ഒരുപാട് പേരെയാണ് തൈറോയ്ഡ് പ്രശ്നങ്ങൾ ബാധിക്കുന്നത്.

ദിവസവും ഉള്ള ശീലങ്ങളിൽ, പ്രത്യേകിച്ച് ഭക്ഷണശീലങ്ങളിൽ ചെറിയ ചില മാറ്റങ്ങൾ വരുത്തുന്നത് ചിലപ്പോൾ രോഗം വരാനിടയാക്കും.

സമീകൃതഭക്ഷണം കഴിക്കുകയും അതോടൊപ്പം ചില പ്രത്യേക ഭക്ഷണങ്ങൾ ഒഴിവാക്കുകയും ചെയ്യുന്നത് തൈറോയ്ഡ് വരുന്നതിൽ നിന്നും രക്ഷപ്പെടാൻ സഹായിക്കും.

വൈറ്റ് ബ്രഡ്

സംസ്കരിച്ച മാവ് ആണ് വൈറ്റ് ബ്രഡ് ഉണ്ടാക്കാൻ ഉപയോഗിക്കുന്നത്. ഇതില്‍ ഫൈബറോ പോഷകങ്ങളോ ഒന്നുമില്ല. ഇത് രക്തത്തിലെ പഞ്ചസാരയുടെ അളവും സ്ട്രെസ്സ് മെറ്റബോളിസവും കൂട്ടുകയും ദഹനത്തെ ബാധിക്കുകയും ചെയ്യും.

ഉരുളക്കിഴങ്ങ് വറുത്തത്

ഇതിൽ അടങ്ങിയ ട്രാൻസ്ഫാറ്റുകളും റിഫൈൻഡ് ഓയിലും അയഡിനെ ആഗിരണം ചെയ്യാനുള്ള ശരീരത്തിന്റെ കഴിവിനെ തടസ്സപ്പെടുത്തുന്നു. ഹോർമോണുകളെ ഉൽപാദിപ്പിക്കാൻ തൈറോയ്ഡ് ആശ്രയിക്കുന്ന ധാതുവാണിത്.

നിലക്കടല

നിലക്കടലയിലെ ഗോയിട്രോജനുകൾ തൈറോയ്ഡ് ഹോർമോൺ സിന്തസിസിൽ ഇടപെടുന്ന സംയുക്തങ്ങളാണ്. തൈറോയ്ഡിന് മരുന്ന് കഴിക്കുന്നവരാണെങ്കിൽ ഇത് തൈറോയ്ഡ് ഗ്രന്ഥിയുടെ കഴിവിനെ വീണ്ടും കുറയ്ക്കും. അതുപോലെ അയഡിൻ ആഗിരണം ചെയ്യാനുള്ള തൈറോയ്ഡിന്റെ കഴിവിനെ തടസ്സപ്പെടുത്തും.

കാബേജ്, കോളിഫ്ലവർ

തൈറോയ്ഡ് രോഗികൾ ഇവ പച്ചയ്ക്കോ കൂടുതൽ അളവിലോ കഴിക്കുന്നത് നല്ലതല്ല. ഈ പച്ചക്കറികളിൽ തയോസൈനേറ്റുകൾ ഉണ്ട്. ഇത് തൈറോയ്ഡ് ഗ്രന്ഥിയിലെ അയഡിനുമായി മത്സരിക്കുകയും ക്രമേണ ഇത് ഹോർമോൺ അസന്തുലനത്തിനും വീക്കത്തിനും കാരണമാകുകയും ചെയ്യുന്നു.

കാപ്പി

കാപ്പി തൈറോയ്ഡ് ഹോർമോണിന്റെ ആഗിരണത്തെ തടസ്സപ്പെടുത്തും. കാപ്പിയിലടങ്ങിയ കഫീൻ, സ്ട്രെസ്സ് ഹോർമോണായ കോർട്ടിസോളിന്റെ അളവ് കൂട്ടുകയും ഇത് തൈറോയ്ഡിന്റെ ലക്ഷണങ്ങൾ കൂട്ടുകയും ചെയ്യുന്നു.

ടോഫു

പ്രോട്ടീന്റെ മികച്ച ഉറവിടമാണ് ടോഫു എങ്കിലും ഇതിൽ ഐസോഫ്ലേവനുകൾ ഉണ്ട്. ഈ സംയുക്തങ്ങൾ തൈറോയ്ഡ് ഹോർമോണിന്റെ ഉൽപാദനം കുറയ്ക്കുകയും സിന്തറ്റിക് തൈറോയ്ഡ് മരുന്നിന്റെ ആഗിരണം തടസ്സപ്പെടുത്തുകയും ചെയ്യും.