നിറയെ കാതുകുത്തി നടക്കുന്നവരാണോ നിങ്ങൾ? ഇക്കാര്യങ്ങൾ ശ്രദ്ധിക്കുക

കാതു നിറയെ കുത്തി ചെറിയ ചെറിയ കമ്മലിടുന്നത് ഇഷടപ്പെടുന്നവരാണ് പല സ്ത്രീകളും പുരുഷന്മാരും

കാര്‍ട്ടിലേജില്‍ കാതുകുത്തുന്നതാണ് ഇപ്പൊഴത്തെ ജെന്‍ സീക്കാര്‍ക്കിടയിലെ ട്രെന്‍ഡും.

ചെവിയിലെ ഇയര്‍ലോബ് എന്നറിയപ്പെടുന്ന ഭാഗത്താണ് സാധാരണയായി കമ്മലിടാറുള്ളത്. അത് സുരക്ഷിതമാണ്

കാര്‍ട്ടിലേജ് ഭാഗത്ത് കാതുകുത്തി കമ്മലിടുന്നത് അപകടം ക്ഷണിച്ചുവരുത്തും

കാര്‍ട്ടിലേജ് ഭാ​ഗം കനമേറിയതും നിരവധി ചെറുരക്തക്കുഴലുകള്‍ അടങ്ങിയ ഭാഗം കൂടിയാണ്. അതിനാല്‍ തന്നെ അവിടെ കാതുകുത്തുന്നത് അണുബാധ ഉണ്ടാകാനുള്ള സാധ്യത കൂടുതലാണ്

കാര്‍ട്ടിലേജ് ഭാഗത്ത് കാതുകുത്തി കമ്മലിടുന്നത് കോളിഫ്‌ളവര്‍ ഇയര്‍ എന്ന അവസ്ഥയ്ക്ക് കാരണമാകും.നീര്‍ക്കെട്ടോ, രക്തം കട്ടപിടിക്കുകയോ മൂലം ചെവി ചുരുങ്ങിപ്പോകുന്ന അവസ്ഥയാണ് കോളിഫ്‌ളവര്‍ ഇയര്‍ .

കോളിഫ്‌ളവര്‍ ഇയര്‍ കാര്‍ട്ടിലേജിനെ പെരികോണ്‍ഡ്രിയത്തില്‍ നിന്നും വേര്‍തിരിക്കുകയും രക്തചംക്രമണം നടക്കാതെ വരികയും ഇതിന്റെ ഫലമായി ഈ ഭാഗം എല്ലാക്കാലത്തേക്കും നീര്‍ക്കെട്ടുള്ളതായി ആകൃതി നഷ്ടപ്പെട്ട് ഇരിക്കുന്നതിലേക്ക് നയിക്കും.

കാര്‍ട്ടിലേജ് ഭാഗത്ത് കാതുകുത്തുന്നവർ അണുബാധ വരാതെ നോക്കുക എന്നുള്ളത് മാത്രമാണ് പ്രതിവിധി.

കാതുകുത്തിയ മുറിവ് ഒരു തരത്തിലും ഉണങ്ങുന്നില്ലെങ്കില്‍ കമ്മല്‍ എത്രയും പെട്ടെന്ന് നീക്കം ചെയ്യാന്‍ ശ്രമിക്കുകയും വേണം