സമകാലിക മലയാളം ഡെസ്ക്
മുഖക്കുരുവോ പാടുകളോ ഇല്ലാത്ത ഒരു 'ക്ലിയർ സ്കിൻ' ആണ് എല്ലാവരുടെയും ആഗ്രഹം. കൃത്യമായി സ്കിൻ കെയർ പാലിച്ചാലും ചിലരിൽ മുഖക്കുരു സ്ഥിരമായിരിക്കും. ചർമസംരക്ഷണ ഉൽപ്പന്നങ്ങൾ മാറ്റി പരീക്ഷിച്ചാലും ഇതുതന്നെ ഫലം!
നിങ്ങളുടെ മുഖക്കുരുവിനുള്ള കാരണം ഒരുപക്ഷെ ഭക്ഷണത്തിലാണെങ്കിലോ? മുഖക്കുരുവിനെ ട്രിഗർ ചെയ്യുന്ന ചില ഭക്ഷണങ്ങൾ
നമ്മൾ കഴിക്കുന്ന ഭക്ഷണങ്ങളിൽ ചിലത് ഇൻസുലിൻ സ്പൈക്ക്, ഹോർമോൺ അസന്തുലിതാവസ്ഥ. വീക്കം എന്നിവ ഉണ്ടാക്കാം. ഇവയെല്ലാം മുഖക്കുരു ഉണ്ടാവാനുള്ള പ്രധാന ഘടകങ്ങളാണ്.
പഞ്ചസാര (വൈറ്റ് ഷുഗർ)
പഞ്ചസാര അടങ്ങിയ പാനീയങ്ങൾ, വൈറ്റ് ബ്രെഡ്, ബിസ്ക്കറ്റ്, ഇൻസ്റ്റന്റ് ന്യൂഡിൽസ് തുടങ്ങിയവ രക്തത്തിലെ പഞ്ചസാരയെ കുത്തനെ ഉയർത്തും. ഇത് എണ്ണ ഗ്രസ്ഥികളെ അമിതമായി സജീവമാക്കുകയും മുഖക്കുരുവിന് കാരണമാവുകയും ചെയ്യും.
പാൽ ഉൽപ്പന്നങ്ങൾ
സാധാരണ പാലിനെക്കാൾ കൊഴുപ്പ് നീക്കം ചെയ്ത സ്കിംഡ് മിൽക് കുടിക്കുന്നത് മുഖക്കുരുവിനെ ട്രിഗർ ചെയ്യാം. ഇതിൽ ഹോർമോണുകളെ തടസ്സപ്പെടുത്തുന്ന വേ പ്രോട്ടീനും വളർച്ച ഹോർമോണുകളും അടങ്ങിയിട്ടുണ്ട്.
മുഖക്കുരുവിന്റെ പ്രധാന കാരണങ്ങളിലൊന്ന് വീക്കമാണ്. ചർമത്തിന് ഉള്ളിലെ വീക്കം കുറയ്ക്കാനും മുഖക്കുരുവിന് കാരണമാകുന്ന ബാക്ടീരിയകളെ ഇല്ലാതാക്കാനും സഹായിക്കുന്ന ഭക്ഷണങ്ങൾ ഡയറ്റിൽ ചേർക്കാം.
ഒമേഗ-3 ഫാറ്റി ആസിഡ്, സിങ്ക്, ആന്റിഓക്സിഡന്റ് എന്നിവ അടങ്ങിയ ഭക്ഷണങ്ങൾ ശീലമാക്കാം. ഗ്രീൻ ടീ സ്വാഭാവികമായും ചർമ്മത്തിലെ എണ്ണ (സെബം) ഉൽപാദനം കുറയ്ക്കുന്നു.