പാറ്റയെ ഓടിക്കാൻ കെമിക്കൽ വേണ്ട; ഈ ചെടികൾ മതി

അടുക്കളയിലും സ്റ്റോർ റൂമിലും ബാത്ത്റൂമിലും പാറ്റകളുടെ ശല്യം പല വീടുകളിലും ഒരു സ്ഥിരം പ്രശ്നമാണ്.

പാറ്റകളെ നിയന്ത്രിക്കാൻ പലരും കെമിക്കലുകളും ഉപയോഗിക്കാറുണ്ട്. എന്നാൽ ഇത് എല്ലായ്പ്പോഴും സുരക്ഷിതമായ മാർഗമാകണമെന്നില്ല.

ഇത്തരം സാഹചര്യങ്ങളിൽ ചില സുഗന്ധമുള്ള ചെടികൾ സഹായകരമാകും.

പുതിന

പുതിനയിലയുടെ ശക്തമായതും ഉന്മേഷദായകവുമായ മണം മനുഷ്യർക്ക് പ്രിയപ്പെട്ടതാണെങ്കിലും പാറ്റകൾക്ക് ഇത് ഒട്ടും ഇഷ്ടമല്ല. പുതിനയിലയിൽ അടങ്ങിയിരിക്കുന്ന അരോമാറ്റിക് ഘടകങ്ങൾ പാറ്റകളെ വീട്ടുപടിക്കൽ പോലും അടുപ്പിക്കില്ല.

ലെമൺഗ്രാസ് / ഇഞ്ചിപ്പുല്ല്

ഇഞ്ചിപ്പുല്ലിൽ ഉയർന്ന അളവിൽ ‘സിട്രോനെല്ല’ അടങ്ങിയിട്ടുണ്ട്. കൊതുകുകളെയും പാറ്റകളെയും മറ്റ് പ്രാണികളെയും അകറ്റി നിർത്താൻ ഇതിന്റെ സുഗന്ധത്തിന് പ്രത്യേക കഴിവുണ്ട്. മികച്ച ഒരു പ്രകൃതിദത്ത കീടനാശിനിയായി ഇത് പ്രവർത്തിക്കുന്നു.

ലാവെൻഡർ

മനോഹരമായ പൂക്കളും സുഗന്ധവുമുള്ള ലാവെൻഡർ വീടിന് ഭംഗി കൂട്ടാൻ മാത്രമല്ല, പ്രാണികളെ അകറ്റാനും ഉത്തമമാണ്. ഇതിന്റെ സുഗന്ധം പാറ്റകൾക്ക് അസ്വസ്ഥത ഉണ്ടാക്കുന്ന ഒന്നാണ്. കിടപ്പുമുറികളിലോ ലിവിങ് റൂമിലോ ഇത് വെക്കുന്നത് വഴി പാറ്റ ശല്യം ഒരു പരിധി വരെ കുറയ്ക്കാം.

റോസ്മേരി

പാചകത്തിന് ഉപയോഗിക്കുന്ന റോസ്മേരി ഒരു മികച്ച ഇൻഡോർ പ്ലാന്റ് കൂടിയാണ്. ഇതിന്റെ ഇലകളുടെ ശക്തമായ മണം പാറ്റകളെ വീട്ടിൽ നിന്ന് അകറ്റി നിർത്താൻ സഹായിക്കും. കുറഞ്ഞ പരിചരണവും കുറഞ്ഞ വെള്ളവും മാത്രം ആവശ്യമുള്ള ഒരു ചെടിയാണിത്.

വയനയില

വയനയിലയുടെ മണം പാറ്റകൾക്ക് ഒട്ടും സഹിക്കാനാകില്ല. ഈ ചെടി അടുക്കളയിൽ വളർത്തുന്നതോ അല്ലെങ്കിൽ ഇതിന്റെ ഉണങ്ങിയ ഇലകൾ പൊടിച്ച് പാറ്റകൾ വരാൻ സാധ്യതയുള്ള കോണുകളിൽ തൂകുന്നതോ പാറ്റകളെ പൂർണ്ണമായും അകറ്റാൻ സഹായിക്കും