ഭംഗിയില്‍ വീഴല്ലേ; ജീവന് പോലും ഭീഷണിയാകും ഈ ചെടികൾ

പ്രകൃതിയിൽ കാണുന്ന എല്ലാ ചെടികളും സുരക്ഷിതാമാണെന്ന് കരുതുന്നത് തെറ്റാണ്. ‌‌

ചില ചെടികൾക്ക് മനുഷ്യർക്കും മൃഗങ്ങൾക്കും ഗുരുതര അപകടം സൃഷ്ടിക്കാനാകും

വിഷാംശമുള്ള ഇലകൾ, പൂക്കൾ, കായകൾ, വിത്തുകൾ എന്നിവയിലൂടെ ആരോഗ്യപ്രശ്നങ്ങൾ മുതൽ ജീവന് തന്നെ ഭീഷണിയാകുന്ന അവസ്ഥകൾ വരെ ഉണ്ടാകാം.

ആളെ കൊല്ലും ചെടികൾ ഏതെല്ലാമെന്ന് നോക്കാം.

അരളി

തണ്ടും ഇലയും വളരെ വിഷമയമായ സസ്യമാണ് അരളി. ചെറിയ അളവിലെങ്കിലും ഉള്ളിൽ പോയാൽ വിഷബാധയേൽക്കാനുള്ള സാധ്യതയുണ്ട്. കത്തിച്ച് പുക ശ്വസിച്ചാലും വിഷബാധയേൽക്കാം.

കുന്നി

കുന്നി ചെടിയുടെ കുരുവിൽ അബ്രിന്‍ എന്ന വിഷമയമുള്ള പ്രോട്ടീനുണ്ട്. ഇവ ഉള്ളിൽ ചെന്നാൽ ജീവൻ വരെ നഷ്ടമാകാം. ചുവപ്പും കറുപ്പും ചേര്‍ന്ന് കാണാന്‍ നല്ല ഭംഗയുള്ള കുരുവാണ് കുന്നിക്കുരു.

പുകയിലച്ചെടി

പുകയിലച്ചെടിയുടെ ഇലയിൽ നിക്കോട്ടിന്‍ എന്ന ആല്‍ക്കലോയ്ഡ് അടങ്ങിയിട്ടുണ്ട്. ഇത് ലഹരി പിടിപ്പിക്കുന്നതാണ്. ഇതിന്റെ അമിത ഉപയോ​ഗം ജീവൻ നഷ്ടപ്പെടുത്താം.

വൈറ്റ് സ്നേക്ക് റൂട്ട്

വെളുത്ത പൂക്കളാണ് ഇവയ്‌ക്ക്. പൂക്കളിൽ ട്രിമറ്റോൺ എന്ന വിഷവസ്തു അടങ്ങിയിട്ടുണ്ട്.

വാട്ടർ ഹെംലോക്ക്

ലോകത്തിലെ ഏറ്റവും വിഷമയമുള്ള സസ്യങ്ങളിൽ ഒന്നാണ് വാട്ടർ ഹെംലോക്ക്. നോർത്ത് അമേരിക്കയിലാണ് ഇവ വ്യാപകമായി വളരുന്നത്.