ഡെങ്കിപ്പനി വരാതിരിക്കാൻ ഓരോ വീടും പാലിക്കേണ്ട മുൻകരുതലുകൾ

മഴക്കാലമായതോടെ ഡെങ്കിപ്പനിയുടെ വ്യാപനവും വർധിച്ചിരിക്കുകയാണ്.

കൊതുകുകൾ പെരുകാൻ അനുകൂലമായ സാഹചര്യം വീട്ടിലും പരിസരത്തും ഉണ്ടാകുമ്പോഴാണ് രോഗം പടരാനുള്ള സാധ്യത കൂടുന്നത്.

എന്നാൽ ചില മുൻകരുതലുകൾ സ്വീകരിച്ചാൽ ഡെങ്കിപ്പനിയെ ഫലപ്രദമായി പ്രതിരോധിക്കാം.

വെള്ളം കെട്ടിക്കിടക്കുന്നത് ഒഴിവാക്കുക

ചിരട്ടകൾ, പ്ലാസ്റ്റിക് കപ്പുകൾ, പഴയ ടയറുകൾ എന്നിവയിൽ വെള്ളം കെട്ടിക്കിടക്കാൻ അനുവദിക്കരുത്. കൊതുക് മുട്ടയിടുന്നത് തടയുന്നതിനായി ഇവയെല്ലാം നശിപ്പിച്ചു കളയുക.

ജലസംഭരണികൾ മൂടിവയ്ക്കുക

വീടുകളിൽ ഉപയോഗിക്കുന്ന വെള്ളം ടാങ്കുകൾ, ബക്കറ്റുകൾ, ഡ്രമ്മുകൾ എന്നിവ എപ്പോഴും അടച്ചുസൂക്ഷിക്കുക.

ഫ്ലവർ പോട്ടുകളും ട്രേകളും ശ്രദ്ധിക്കുക

ചെടിച്ചട്ടികൾക്കടിയിലുള്ള ട്രേകളിൽ വെള്ളം കെട്ടിക്കിടക്കാതെ വെയ്ക്കുക. ആഴ്ചയിലൊരിക്കൽ ​ഇവ വൃത്തിയാക്കണം.

ജനലുകളും വാതിലുകളും അടച്ചിടുക

വീടിനുള്ളിലേക്ക് കൊതുകുകൾ വരുന്ന സമയങ്ങളിൽ ജനലുകളും വാതിലുകളും അടച്ചിടുക. അതുപോലെ കൊതുകുകൾ കടക്കാതിരിക്കാൻ ജനലുകളിലും വാതിലുകളിലും കൊതുക് വലകൾ സ്ഥാപിക്കുക.

കൊതുക് വല ഉപയോഗിച്ച് ഉറങ്ങുക

ഡെങ്കിപ്പനി പരത്തുന്ന കൊതുകുകൾ പ്രധാനമായും പകൽ സമയങ്ങളിലാണ് (പ്രത്യേകിച്ച് രാവിലെയും വൈകുന്നേരവും) കടിക്കുന്നത്. അതിനാൽ പകൽ ഉറങ്ങുമ്പോൾ പോലും കൊതുക് വല ഉപയോഗിക്കുക.

ശരീരം മൂടുന്ന വസ്ത്രങ്ങൾ ധരിക്കുക

ശരീരം മുഴുവൻ മറയ്ക്കുന്ന വസ്ത്രങ്ങളും (കൈ നീളമുള്ള ഷർട്ട്, ഫുൾ പാന്റ്), സോക്സുകളും ധരിക്കാൻ ശ്രദ്ധിക്കുക.

കൊതുക് നിവാരണികൾ (Mosquito Repellents)

ശരീരത്തിൽ പുരട്ടാവുന്ന ലോഷനുകൾ, ക്രീമുകൾ അല്ലെങ്കിൽ ഇലക്ട്രിക് വേപ്പറൈസറുകൾ എന്നിവ ഉപയോഗിക്കുക.

മാലിന്യങ്ങൾ കൃത്യമായി സംസ്കരിക്കുക

വീട്ടുമാലിന്യങ്ങൾ വലിച്ചെറിയാതെ അടച്ചുറപ്പുള്ള ഡസ്റ്റ് ബിന്നുകളിൽ നിക്ഷേപിക്കുക.

ഫാനുകളും എസികളും ഉപയോഗിക്കുക

മുറികളിൽ ഫാനോ എസിയോ പ്രവർത്തിപ്പിക്കുന്നത് കൊതുകുകളെ അകറ്റി നിർത്താൻ സഹായിക്കും.

തുളസി, വേപ്പ് എന്നിവ വളർത്തുക

വീടിന്റെ പരിസരത്ത് തുളസി, വേപ്പ്, ലെമൺഗ്രാസ് തുടങ്ങിയ സസ്യങ്ങൾ നടുന്നത് കൊതുകുകളെ അകറ്റി നിർത്താൻ പ്രകൃതിദത്തമായ ഒരു പ്രതിരോധമാണ്.