മുറിച്ച ആപ്പിളിന്റെ നിറം മാറുന്നത് തടയാം

ആപ്പിള്‍ രുചികരവും പോഷകസമൃദ്ധവുമായ ഒരു പഴമാണ്. പ്രത്യേകിച്ചും കുട്ടികള്‍ക്ക് കൊടുക്കാന്‍ ഏറ്റവും നല്ല ആഹാരമാണ് ആപ്പിള്‍.

എന്നാല്‍ ഒരിക്കല്‍ ഇത് മുറിച്ചുകഴിഞ്ഞാല്‍ പെട്ടെന്ന് തന്നെ അവയുടെ നിറം മാറുന്നു.

കഴിക്കാൻ സുരക്ഷിതമാണെങ്കിലും നിറം മങ്ങിയത് കഴിക്കാൻ ആരും ഇഷ്ടപ്പെടില്ല.

എൻസൈമാറ്റിക് പ്രതിപ്രവർത്തനം സംഭവിക്കുന്നതുകൊണ്ടാണ് ഇത്തരത്തിൽ ആപ്പിളിന്റെ നിറം മാറുന്നത്.

ആപ്പിളിന്റെ നിറം മങ്ങുന്നത് തടയാൻ ഇങ്ങനെ ചെയ്താൽ മതി.

തണുത്ത വെള്ളം

ആപ്പിള്‍ കഷ്ണങ്ങള്‍ നല്ല തണുത്ത വെള്ളത്തില്‍ മുക്കിവയ്ക്കുമ്പോള്‍ ഓക്‌സിജനുമായുള്ള സമ്പര്‍ക്കം തടസപ്പെടുന്നു. ഇത് ആപ്പിള്‍ 12 മണിക്കൂര്‍ വരെ ഫ്രഷ് ആയി ഇരിക്കാന്‍ സഹായിക്കും.

ഉപ്പ് വെള്ളം

ഒരു കപ്പ് തണുത്ത വെള്ളത്തില്‍ അര ടീസ്പൂണ്‍ ഉപ്പ് കലര്‍ത്തി അതില്‍ 10 മിനിറ്റ് നേരം ആപ്പിള്‍ കഷ്ണങ്ങള്‍ മുക്കി വയ്ക്കാം. ശേഷം തണുത്ത വെള്ളത്തിലേക്ക് മാറ്റാം. ഈ രീതി 24 മണിക്കൂര്‍ നേരം ആപ്പിളിനെ സ്വാഭാവിക രുചിയോടെ നിലനിര്‍ക്കാന്‍ സഹായിക്കും.

നാരങ്ങാവെള്ളം

ഒരു ടീസ്പൂണ്‍ നാരങ്ങാനീര് ഒരു കപ്പ് തണുത്ത വെള്ളത്തില്‍ ചേര്‍ത്ത് ആപ്പിള്‍ കഷ്ണങ്ങള്‍ അഞ്ച് മിനുറ്റ് നേരത്തേക്ക് മുക്കിവയ്ക്കുക. 24 മണിക്കൂര്‍ നിറം മാറാതെയിരിക്കാന്‍ ഇത് സഹായിക്കും.

തേൻ

ഒരു ടീസ്പൂണ്‍ തേന്‍ ഒരു കപ്പ് തണുത്ത വെള്ളത്തില്‍ കലര്‍ത്തി ലയിപ്പിക്കുക. തുടര്‍ന്ന് ഇതിലേക്ക് ആപ്പിള്‍ കഷ്ണങ്ങള്‍ ഇട്ട് അഞ്ച് മിനുറ്റ് നേരം വെക്കുക. 24 മണിക്കൂര്‍ വരെ ആപ്പിള്‍ കേടുകൂടാതെ ഇരിക്കുകയും.