തണുപ്പു കാലത്ത് ചുണ്ടുകൾ വിണ്ടുകീറുന്നത് തടയാം

തണുത്തതും വരണ്ടതുമായ കാലാവസ്ഥ ചുണ്ടുകള്‍ വിണ്ടുകീറുന്നതിനും വേദനിക്കുന്നതിനും അസ്വസ്ഥതയുണ്ടാക്കുന്നതിനും കാരണമാകും.

വിണ്ടുകീറിയ ചുണ്ടുകള്‍ ചിലപ്പോള്‍ നിറവ്യത്യാസം , അണുബാധ, അല്ലെങ്കില്‍ വിട്ടുമാറാത്ത അസ്വസ്ഥത എന്നിവയിലേക്ക് നയിച്ചേക്കാം.

ചുണ്ടുകളെ മൃദുവായും, ഈര്‍പ്പമുള്ളതായും, ആരോഗ്യത്തോടെയും നിലനിര്‍ത്താന്‍ സഹായിക്കുന്ന ചില ടിപ്പുകൾ നോക്കാം .

ചര്‍മ്മത്തിലെയും ചുണ്ടുകളിലെയും ഈര്‍പ്പം നിലനിര്‍ത്താന്‍ ദിവസം മുഴുവന്‍ ധാരാളം വെള്ളം കുടിക്കുക.

ഈര്‍പ്പം നഷ്ടപ്പെടാതിരിക്കാന്‍ ഉമിനീരിന് പകരം ലിപ് ബാം ഉപയോഗിക്കുക. ഷിയ ബട്ടര്‍, കൊക്കോ ബട്ടര്‍, മാംഗോ ബട്ടര്‍, തേന്‍മെഴുക്, ഒലിവ് ഓയില്‍, അല്ലെങ്കില്‍ പെട്രോളിയം ജെല്ലി തുടങ്ങിയ ചേരുവകള്‍ അടങ്ങിയ ലിപ് ബാം തിരഞ്ഞെടുക്കുക.

പുറത്തുപോകുമ്പോള്‍ SPF അടങ്ങിയ ബാം ഉപയോഗിക്കുക.

തണുപ്പും കാറ്റുമുള്ള കാലാവസ്ഥയില്‍ സ്‌കാര്‍ഫ് ഉപയോഗിച്ച് ചുണ്ടുകള്‍ മറയ്ക്കുക, വീടിനുള്ളില്‍ ഹ്യുമിഡിഫയറുകള്‍ ഉപയോഗിക്കുക.

സൗന്ദര്യവര്‍ദ്ധക വസ്തുക്കള്‍ വാങ്ങുമ്പോൾ ശ്രദ്ധിക്കുക. മെന്തോള്‍, പുതിന, സിട്രസ്, സാലിസിലിക് ആസിഡ്, അല്ലെങ്കില്‍ സുഗന്ധദ്രവ്യങ്ങള്‍ പോലുള്ള അസ്വസ്ഥതയുണ്ടാക്കുന്ന ഘടകങ്ങള്‍ ലിപ്സ്റ്റിക്കുകളിലും ഗ്ലോസുകളിലും മോയ്‌സ്ചറൈസറുകളിലും ഉണ്ടോയെന്ന് പരിശോധിക്കുക.

ചുണ്ടുകളിലെ ഈര്‍പ്പം നിലനിര്‍ത്തുന്നതിനും ചര്‍മ്മത്തിന്റെ മൊത്തത്തിലുള്ള ആരോഗ്യത്തിനും വിറ്റാമിനുകളായ B2, B6, B9, B12, സിങ്ക്, ഒമേഗ-3 എന്നിവ ഭക്ഷണത്തില്‍ ഉള്‍പ്പെടുത്തുക.

ആന്റി-ഇന്‍ഫ്‌ളമേറ്ററി ഭക്ഷണക്രമം, പ്രോബയോട്ടിക്കുകള്‍, സമീകൃത ഭക്ഷണം എന്നിവ ചുണ്ടുകള്‍ വരണ്ടുപോകുന്നതിനുള്ള ശാരീരിക കാരണങ്ങള്‍ കുറയ്ക്കാന്‍ സഹായിക്കും.