മഴക്കാലത്തെ സൺസ്ക്രീൻ ഉപയോഗം; ശരിയായ രീതി ഇതാ

മഴക്കാലമായതുകൊണ്ട് സൂര്യപ്രകാശം ഇല്ലെന്ന് കരുതി സൺസ്ക്രീൻ ഒഴിവാക്കുന്നവരാണ് പലരും.

എന്നാൽ മേഘങ്ങൾക്കിടയിലൂടെയും യുവി കിരണങ്ങൾ നമ്മുടെ ചർമ്മത്തിലെത്തുന്നുണ്ട്.

അതുകൊണ്ട് മഴക്കാലത്തും ശരിയായ രീതിയിൽ സൺസ്ക്രീൻ ഉപയോഗിക്കേണ്ടത് വളരെ അത്യാവശ്യമാണ്.

മഴക്കാലത്ത് എങ്ങനെ സൺസ്ക്രീൻ ഉപയോ​ഗിക്കാം എന്ന് നോക്കാം

മഴക്കാലത്ത് സൺസ്‌ക്രീൻ തിരഞ്ഞെടുക്കുമ്പോൾ, ജെൽ ഓപ്ഷനുകൾ തിരഞ്ഞെടുക്കുക. കാരണം അവ ഭാരം കുറഞ്ഞതും, എണ്ണമയമില്ലാത്തതും, ഈർപ്പമുള്ള കാലാവസ്ഥയ്ക്ക് അനുയോജ്യവുമാണ്.

യുവിഎ, യുവിബി എന്നിവയിൽ നിന്ന് സംരക്ഷണം നൽകുന്നതിന് SPF 30 അല്ലെങ്കിൽ അതിൽ കൂടുതലുള്ള ഒരു വിശാലമായ സ്പെക്ട്രം സൺസ്ക്രീൻ തിരഞ്ഞെടുക്കേണ്ടത് പ്രധാനമാണ്.

മഴയോ വിയർപ്പോ സൺസ്‌ക്രീനിനെ ഒഴിവാക്കും എന്നതിനാൽ, പ്രത്യേകിച്ച് പുറത്തുപോകുമ്പോള്‍ ഓരോ 2-3 മണിക്കൂറിലും വീണ്ടും പുരട്ടാൻ ശ്രമിക്കുക.

ശരീരത്തിലെ എല്ലാ ഭാഗങ്ങളിലും സണ്‍സ്ക്രീന്‍ ഉപയോഗിക്കണം. ദൈനംദിന ചർമ്മസംരക്ഷണ ദിനചര്യയുടെ ഭാഗമായി ഇവയും തുല്യമായി പരിഗണിക്കണം.