സമകാലിക മലയാളം ഡെസ്ക്
ബോര്‍ഡര്‍- ഗാവസ്‌കര്‍ ട്രോഫി ടെസ്റ്റ് പരമ്പരയില്‍ ഓസ്‌ട്രേലിയക്കെതിരെ രണ്ടു മത്സരങ്ങള്‍ കൂടി ശേഷിക്കേയാണ് ഇന്ത്യയുടെ എക്കാലത്തെയും മികച്ച ഓഫ് സ്പിന്നര്‍മാരില്‍ ഒരാളായ അശ്വിന്‍ വിരമിക്കല്‍ പ്രഖ്യാപിച്ചത്.
106 ടെസ്റ്റുകളില്‍ ഇന്ത്യയുടെ ജഴ്സി അണിഞ്ഞ അശ്വിന്‍ 537 വിക്കറ്റുകളാണ് നേടിയത്. 24 ആണ് ശരാശരി.
ടെസ്റ്റില്‍ ഏറ്റവും കൂടുതല്‍ വിക്കറ്റുകള്‍ നേടിയ ഇന്ത്യന്‍ താരം എന്ന റെക്കോര്‍ഡ് ഉള്ള അനില്‍ കുംബ്ലെയ്ക്ക് പിന്നില്‍ രണ്ടാം സ്ഥാനത്താണ് അശ്വിന്‍. അനില്‍ കുംബ്ലെ 132 ടെസ്റ്റുകളില്‍ നിന്ന് 619 വിക്കറ്റുകളാണ് നേടിയത്.
ടെസ്റ്റില്‍ ബാറ്റിങ്ങിലും അശ്വിന്‍ മികച്ച പ്രകടനമാണ് പുറത്തെടുത്തത്. ടെസ്റ്റില്‍ ആറ് സെഞ്ച്വറികളും 14 അര്‍ധ സെഞ്ച്വറികളും നേടിയിട്ടുള്ള താരത്തിന്റെ സമ്പാദ്യം 3503 റണ്‍സ് ആണ്.
3000ലധികം റണ്‍സും 300ലധികം വിക്കറ്റുകളും നേടിയിട്ടുള്ള 11 ഓള്‍റൗണ്ടര്‍മാരുടെ പട്ടികയില്‍ അശ്വിനും ഇടംനേടിയിട്ടുണ്ട്
ഏറ്റവുമധികം മാന്‍ ഓഫ് ദി സീരീസ് അവാര്‍ഡ് നേടിയതിന്റെ റെക്കോര്‍ഡ് മുത്തയ്യ മുരളീധരനുമായി പങ്കിട്ടു. 11 തവണയാണ് അശ്വിനെ തേടി മാന്‍ ഓഫ് ദി സീരീസ് അവാര്‍ഡ് എത്തിയത്.
ഏകദിനത്തില്‍ 116 മത്സരങ്ങളില്‍ ഇന്ത്യന്‍ കുപ്പായമണിഞ്ഞു. 707 റണ്‍സാണ് സമ്പാദ്യം. 156 വിക്കറ്റുകള്‍ നേടിയിട്ടുണ്ട്.
65 ടി20 രാജ്യാന്തര മത്സരങ്ങളില്‍ നിന്നായി 184 റണ്‍സും 72 വിക്കറ്റുകളും നേടിയിട്ടുണ്ട്. 2011ല്‍ ഏകദിന ലോകകപ്പ് നേടിയ ഇന്ത്യന്‍ ടീമിലെ അംഗമാണ് അശ്വിന്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates