സമകാലിക മലയാളം ഡെസ്ക്
ബംഗ്ലാദേശിനെതിരായ ടെസ്റ്റ് പരമ്പരയില്‍ മാന്‍ ഓഫ് ദി സീരീസ് പുരസ്‌കാരം നേടിയാണ് അശ്വിന്‍ റെക്കോര്‍ഡ് നേട്ടത്തില്‍ എത്തിയത്.
ടെസ്റ്റില്‍ ഏറ്റവും കൂടുതല്‍ മാന്‍ ഓഫ് ദി സീരീസ് പുരസ്‌കാരം നേടുന്ന താരമെന്ന റെക്കോര്‍ഡില്‍ ഇനി അശ്വിന്റെ പേരും.
ബംഗ്ലാദേശിനെതിരെ അശ്വിന്‍ നേടിയത് കരിയറിലെ 11ാം മാന്‍ ഓഫ് ദി സീരീസ് പുരസ്‌കാരം.
പരമ്പരയിലെ കേമന്‍ പട്ടം ഇതിഹാസ ശ്രീലങ്കന്‍ സ്പിന്നര്‍ മുത്തയ്യ മുരളീധരനും 11 തവണ സ്വന്തമാക്കിയിട്ടുണ്ട്. ഇനി അശ്വിനും മുരളിക്കൊപ്പം റെക്കോര്‍ഡ് നേട്ടം പങ്കിടും.
മുരളി 61 പരമ്പരകളിലാണ് നേട്ടം സ്വന്തമാക്കിയത്. അശ്വിനു 42 പരമ്പരകളേ ആവശ്യമായി വന്നുള്ളു.
50ല്‍ താഴെ പരമ്പര കളിച്ച് ഇത്രയും മാന്‍ ഓഫ് ദി സീരീസ് പുരസ്‌കാരം നേടുന്ന ആദ്യ താരമായും അശ്വിന്‍ മാറി.
മുന്‍ ദക്ഷിണാഫ്രിക്കന്‍ ഓള്‍ റൗണ്ടര്‍ ജാക്വിസ് കാലിസാണ് രണ്ടാം സ്ഥാനത്ത്. താരത്തിനു 9 മാന്‍ ഓഫ് ദി സീരീസ് പുര്‌സകാരങ്ങള്‍.
ബംഗ്ലാദേശിനെതിരായ പരമ്പരയില്‍ അശ്വിന്‍ 114 റണ്‍സും 11 വിക്കറ്റുകളും വീഴ്ത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates