രാധിക അണിഞ്ഞത് നാല് വര്‍ഷം മുന്‍പ് സഹോദരി ധരിച്ച അതേ വിവാഹാഭരണങ്ങൾ; പ്രത്യേകതകള്‍ ഏറെ

മാസങ്ങള്‍ നീണ്ട ആഘോഷത്തിനൊടുവില്‍ അനന്ത് അംബാനിയും രാധിക മര്‍ച്ചന്റും വിവാഹിതരായിരിക്കുകയാണ്.

ക്രീം ലെഹങ്കയില്‍ അതിസുന്ദരിയായിരുന്നു രാധിക.

അബു ജാനി സന്ദീപ് ഖോസ്ലയാണ് ലെഹങ്ക ഡിസൈന്‍ ചെയ്തത്. ഗോള്‍ഡന്‍ എംബ്രോയ്ഡറി വര്‍ക്കിലുള്ളതായിരുന്നു ലെഹങ്ക. അരികുകളിലായി ചുവപ്പാണ് നല്‍കിയത്.

തന്റെ കുടുംബത്തിന്റെ പാരമ്പര്യം ഉയര്‍ത്തിപ്പിടിക്കുന്ന ആഭരണങ്ങളാണ് രാധിക വിവാഹദിനത്തിനായി തെരഞ്ഞെടുത്തത്.

തലമുറകളായി കൈമാറി വന്ന ആഭരണങ്ങളാണ് അണിഞ്ഞത്. 2020ല്‍ രാധികയുടെ സഹോദരി അഞ്ജലി മര്‍ച്ചന്റും ഇതേ ആഭരണള്‍ അണിഞ്ഞിരുന്നു.

മനോഹരമായ ചോക്കറാണ് മര്‍ച്ചന്റെ കുടുംബത്തിലെ പുതിയ വധുവിനായി കൈമാറി വരുന്നത്.

ഇവരുടെ അമ്മയും മുത്തശ്ശിയുമെല്ലാം ഇതേ ആഭരണങ്ങള്‍ ധരിച്ചാണ് വിവാഹിതരായത്.

അഞ്ജലി ധരിച്ച അതേ കമ്മലും നെറ്റിച്ചുട്ടിയും കൈകളിലും വിരലുകളിലുമായി അണിയുന്ന ഹാത്ത് ഫൂലും രാധിക ധരിച്ചിരുന്നു.

ഇത് കൂടാതെ മനോഹരമായ ഡയമണ്ട് എമറാള്‍ഡ് നെക്ലൈസും വളകളും കലീരയും രാധിക അണിഞ്ഞിരുന്നു.