കൗമാരത്തിലെ നര പ്രശ്നമാണ്, അറിയാം കാരണങ്ങൾ

ഇരുപതുകളിലും മുപ്പതുകളിലുമെത്തും മുമ്പേ തന്നെ മുടി നരയ്ക്കുന്നവരുടെ എണ്ണം വർധിച്ചുവരികയാണിപ്പോൾ.

പ്രായം കൂടുന്നതോടൊപ്പം സ്വാഭാവികമായി സംഭവിക്കുന്ന നരയ്ക്കുപകരം കൗമാരത്തിലോ ഇരുപതുകളിലോ തുടങ്ങുന്ന അകാലനര ആരോഗ്യപരമായ ചില പ്രശ്നങ്ങളുടെ സൂചനയാണ്.

കൗമാരത്തിലെ നരക്കു പിന്നിലെ കാരണങ്ങൾ നോക്കാം.

ജനിതകം

മാതാപിതാക്കൾക്കോ അവരുടെ മാതാപിതാക്കൾക്കോ നേരത്തേ മുടി നരച്ചിട്ടുണ്ടെങ്കിൽ അടുത്ത തലമുറയ്ക്കും അകാലനരയ്ക്കുള്ള സാധ്യത കൂടുതലാണ്.

പോഷകക്കുറവ്

വിറ്റാമിൻ ബി12, അയേൺ, കോപ്പർ, സിങ്ക് എന്നിവയുടെ കുറവ് മുടിയിലെ മെലാനിൻ ഉത്പാദനത്തെ തടസ്സപ്പെടുത്തുകയും അതുമൂലം നരയ്ക്കാൻ കാരണമാകുകായും ചെയ്യും.

ഉറക്കക്കുറവ്

രാത്രികാലങ്ങളിൽ സമയത്തിന് ഉറങ്ങാതിരിക്കുന്നത് മെലാടോണിൻ ഉത്പാദനത്തെ തടസ്സപ്പെടുത്തും. ഇതും മുടി നേരത്തേ നരയ്ക്കാൻ കാരണമാകും.

സമ്മർദം

അമിതമായ സമ്മർദം കോർട്ടിസോൾ ഹോർമോൺ വർധിക്കുകയും ഇത് മെലനോസൈറ്റ് സ്റ്റെം സെല്ലുകളെ നശിപ്പിക്കുകയും ചെയ്യുന്നു. ഇതുമൂലം മുടിയുടെ കറുത്തനിറം നഷ്ടമാവുന്നു.

ജങ്ക് ഫുഡ്

മധുരം കൂടിയതും, പ്രോട്ടീൻ കുറഞ്ഞതും, പോഷകം കുറഞ്ഞതുമായ ഭക്ഷണങ്ങൾ കഴിക്കുന്നത് അകാലനരയ്ക്ക് കാരണമാകുന്നു.

തൈറോയ്ഡ് അസന്തുലിതാവസ്ഥ

ഹൈപ്പോ തൈറോയ്ഡിസവും ഹൈപ്പർതൈറോയ്ഡിസവും നരയ്ക്കാനുള്ള സാധ്യത കൂടും.

ഓട്ടോ ഇമ്മ്യൂൺ രോഗങ്ങൾ

വിറ്റിലിഗോയും ഓട്ടോഇമ്മ്യൂൺ തൈറോയ്ഡ് രോഗങ്ങളും ഉള്ളവരിൽ പെട്ടെന്ന് നര വന്നേക്കാം

പുകവലി

പുകവലിയും അകാലനരസാധ്യത കൂട്ടുന്ന ഘടകമാണ്. രക്തചംക്രമണം കുറയ്ക്കുകയും ഹെയർ ഫോളിക്കിളുകളെ ദോഷകരമായി ബാധിക്കുകയും ചെയ്യുന്നതിനാൽ അകാലനരയും മുടികൊഴിച്ചിലും വർധിപ്പിക്കും.