ചായ വീണ്ടും ചൂടാക്കി കുടിക്കാമോ?

ദിവസത്തിൽ നാലോ അഞ്ചോ തവണ ചായ കുടിക്കുന്നവരാണ് മിക്ക ആളുകളും.

അതിനാൽ ഒരിക്കൽ തയ്യാറാക്കിയ ചായ വീണ്ടും വീണ്ടും ചൂടാക്കി കുടിക്കുന്നത് സാധാരണമാണ്.

എന്നാൽ, ഈ ശീലം നല്ലതല്ലെന്നാണ് ഡോക്ടർമാർ പറയുന്നത്.

അവ എന്തൊക്കെയാണെന്ന് നമുക്ക് നോക്കാം.

ചായ വീണ്ടും ചൂടാക്കുമ്പോൾ അതിലെ ടാനിനുകളുടെ സാന്ദ്രത വർധിക്കുന്നു. ഇത് പാനീയത്തെ കൂടുതൽ കയ്പ്പുള്ളതും അസിഡിറ്റി ഉള്ളതുമാക്കുന്നു. ഈ ടാനിനുകൾ ശരീരത്തിലെ ധാതുക്കളുടെ ആഗിരണത്തെ തടസ്സപ്പെടുത്തുന്നു.

വീണ്ടും ചൂടാക്കിയ ചായ കുടിക്കുന്നത് നമ്മുടെ ദഹനവ്യവസ്ഥയിൽ അസ്വസ്ഥത, ദഹനക്കേട്, പോഷകാഹാരക്കുറവ്, മറ്റ് രോഗങ്ങൾ എന്നിവയ്ക്ക് കാരണമാകും.

സാധാരണ താപനിലയിൽ കൂടുതൽ നേരം വെച്ച ചായയിൽ ബാക്ടീരിയകൾ വളരാൻ സാധ്യതയുണ്ട്. ഈ ബാക്ടീരിയകളെ ചായ വീണ്ടും ചൂടാക്കിയാലും നശിപ്പിക്കാൻ കഴിയില്ല. ഇത്തരത്തിലുള്ള ചായ കുടിക്കുന്നത് ഭക്ഷ്യജന്യ രോഗങ്ങൾക്കുള്ള സാധ്യത വർദ്ധിപ്പിക്കും.

ചായ വീണ്ടും ചൂടാക്കുമ്പോൾ അതിന്റെ രുചി, നിറം, മണം എന്നിവയിൽ മാറ്റം വരും.