തണുപ്പുകാലത്തെ പനിയേയും ചുമയേയും അകറ്റി നിർത്താം

തണുപ്പുകാലം ആസ്വദിക്കുന്നവരാകും നമ്മളിൽ പല ആളുകളും.

ആസ്വാദനത്തിനും അപ്പുറം തണുപ്പുകാലത്ത് പലതരം അസുഖങ്ങളും നമ്മൾ നേരിടേണ്ടതായി വരാറുണ്ട്.

തണുപ്പുകാലങ്ങളിൽ ആളുകൾക്ക് ഏറ്റവും കൂടുതൽ വരുന്ന അസുഖങ്ങളാണ് പനിയും ചുമയും ജലദോഷവും.

പനിക്കും ചുമയ്ക്കും ജലദോഷത്തിനുമുള്ള ചില പ്രതിവിധികൾ നോക്കാം.

മഞ്ഞൾ ചേർത്ത പാൽ

മഞ്ഞളും തേനും ചേർത്ത പാൽ രാത്രി ഉറങ്ങുന്നതിന് മുമ്പ് കുടിക്കുന്നത് നല്ലതാണ്. ഇതിൽ ആന്റി ഇൻഫ്ലമേറ്ററി ഗുണങ്ങൾ അടങ്ങിയിട്ടുണ്ട്. ഇത് പനിക്കും ചുമക്കും ബെസ്റ്റാണ്.

ഇഞ്ചിയും തുളസിയും

ഒരു പാത്രത്തിൽ കുറച്ച് വെള്ളമെടുത്തതിന് ശേഷം അതിലേക്ക് ഇഞ്ചിയും തുളസി ഇലയും കുരുമുളകും കറുവപ്പട്ടയുമിട്ട് നന്നായി തിളപ്പിക്കണം. ശേഷം അരിച്ച് അതിലേക്ക് കുറച്ച് തേൻ കൂടെ ചേർത്ത് കുടിച്ചാൽ മതി. പനിയും ചുമയും ജലദോഷവും പമ്പ കടക്കും.

ആവി കൊള്ളുക

ചൂട് വെള്ളത്തിൽ ആവി കൊള്ളുന്നത് ജലദോഷം പോലുള്ള പ്രശ്നങ്ങളെ അകറ്റി നിർത്തുന്നു.

ഉപ്പ് വെള്ളത്തിൽ ഗാർഗിൾ ചെയ്യുന്നത്

ചെറുചൂടുള്ള ഉപ്പ് വെള്ളത്തിൽ ഗാർഗിൾ ചെയ്യുന്നത് തൊണ്ട വേദന കുറയ്ക്കാൻ സഹായിക്കുന്നു. ആവശ്യമെങ്കിൽ ഇതിലേക്ക് കുറച്ച് മഞ്ഞൾപ്പൊടിയും ചേർക്കാവുന്നതാണ്.

മസാല ചായ

തുളസി, കറുവപ്പട്ട, ഇഞ്ചി എന്നിവ ചേർത്ത മസാല ചായ കുടിക്കുന്നത് ചൂട് ലഭിക്കാനും പ്രതിരോധശേഷി കൂട്ടാനും സഹായിക്കുന്നു. കാരണം ഇതിൽ ധാരാളം ആന്റിഓക്‌സിഡന്റുകൾ അടങ്ങിയിട്ടുണ്ട്.

തണുത്ത ഭക്ഷണങ്ങൾ ഒഴിവാക്കാം

തണുപ്പുള്ളവ ഒഴിവാക്കി ചൂടുള്ള ഭക്ഷണങ്ങളാണ് തണുപ്പുകാലത്ത് ആളുകൾ ഏറ്റവും കൂടുതൽ കഴിക്കേണ്ടത്.