വരണ്ട ചർമ്മത്തോട് ഗുഡ്ബൈ പറയാം

എത്ര ക്രീം പുരട്ടിയിട്ടും കാര്യമൊന്നുമില്ല. ചർമ്മമാകെ വരണ്ട് ഭംഗിയെല്ലാം പോയോ?

വേനൽക്കാലത്തു പുരട്ടുന്ന അതേ സൗന്ദര്യ ഉൽപന്നങ്ങൾ മഞ്ഞു കാലത്തും ഉപയോഗിച്ചാൽ ഈ സ്ഥിതിയാണുണ്ടാവുക.

കാലാവസ്ഥയ്ക്ക് ഇണങ്ങുന്ന രീതിയിൽ പരിചരണം നൽകിയാൽ സൗന്ദര്യം മങ്ങാതെ കാത്തു സൂക്ഷിക്കാം.

തണുപ്പുളള കാലാവസ്ഥയിൽ സ്ഥിരമായി ഉപയോ​ഗിക്കുന്ന ക്രീമിലോ മോയ്സ്ചറൈസിലോ ഒന്നോ രണ്ടോ തുളളി ബേബി ഓയിൽ ചേർക്കാം. ഇതു ചർമത്തിനു കൂടുതൽ മോയ്സ്ചറൈസിങ് ഇഫക്ട് നൽകും.

ചർമം വരണ്ടു തുടങ്ങിയെങ്കിൽ ക്രീം രൂപത്തിലുളള ഫേഷ്യൽ ക്ലെൻസർ ഉപയോഗിച്ചു മുഖം വൃത്തിയാക്കുക.ക്ലിയർ ആയ ഫേസ് വാഷും മറ്റും തണുപ്പുകാലത്ത് ഉപയോ‌ഗിക്കുന്നതു ചർമത്തെ കൂടുതൽ വരണ്ടതാക്കും.

ചർമത്തിനു മോയ്സ്ചറൈസിങ് നൽകുന്നതിനായി ക്രീം രൂപത്തിലുളള ബോഡി വാഷ് തിരഞ്ഞെടുക്കുക.

ഫാറ്റി ആസിഡ് അടങ്ങിയ ക്ലിയർ അല്ലാത്ത ഷാംപൂ മുടിക്കു മൃദുത്വം നൽകുകയും വരണ്ടു പാറിപ്പറക്കുന്നത് ഒഴിവാക്കുകയും ചെയ്യും.

ആഴ്ചയിലൊരിക്കൽ എക്സ് ഫോളിയേറ്റ് ചെയ്യുന്നതു ചർമം വരണ്ടു ഭംഗി നഷ്ടപ്പെടുന്നതു തടയും. വീട്ടിൽ ഉണ്ടാക്കാവുന്ന ഓയിൽ ബേസ്‍ഡ് സ്ക്രബ് ഇതിന് ഉപയോ​ഗിക്കാം.

തണുപ്പുകാലത്ത് ഉപ്പൂറ്റി വിണ്ടു കീറുന്നതു സാധാരണമാണ്. രണ്ട് വലിയ സ്പൂൺ കടുകെണ്ണയെടുത്ത് ഉപ്പൂറ്റിയിൽ പുരട്ടുക. രാത്രി മുഴുവൻ സോക്സ് ഇട്ട് കിടക്കുക. ഇതു കാലുകൾ വിണ്ടു കീറുന്നത് തടയും.