പടികള്‍ കയറുമ്പോള്‍ വേദന സഹിക്കാന്‍ കഴിയുന്നില്ലേ ? കുറയ്ക്കാൻ വഴിയുണ്ട്

കാല്‍മുട്ടുവേദന പല കാരണങ്ങള്‍കൊണ്ടും ഉണ്ടാകാം. പ്രായം കൂടുമ്പോള്‍ വരുന്ന തേയ്മാനം, പരിക്ക്, അമിതഭാരം എന്നിവയെല്ലാം ഇതില്‍പ്പെടും. വേദന കുറയ്ക്കാന്‍ സഹായിക്കുന്ന ചില വഴികൾ നോക്കാം

ചെറുചൂടുവെള്ളം കാല്‍ മുട്ടിൽ പിടിക്കുന്നത് പേശികള്‍ക്ക് ആശ്വാസം നല്‍കാനും വേദന കുറയ്ക്കാനും സഹായിക്കും.

അര ടീസ്പൂണ്‍ ഇഞ്ചിയും മഞ്ഞളും ഒരു കപ്പ് വെള്ളത്തില്‍ തിളപ്പിച്ച് തേന്‍ ചേര്‍ത്ത് കുടിക്കുന്നത് വേദന കുറയ്ക്കാന്‍ സഹായിച്ചേക്കാം. ഇഞ്ചി, മഞ്ഞള്‍ എന്നിവ വീക്കം കുറയ്ക്കാന്‍ സഹായിക്കും

ഒലിവ് ഓയിലില്‍ വേദനയുള്ള ഭാഗത്ത് മൃദുവായി മസാജ് ചെയ്യുന്നത് നല്ലതാണ്.

വേദനയുള്ളപ്പോള്‍ കാല്‍മുട്ടിന് ആവശ്യമായ വിശ്രമം നല്‍കുക. ഇത് വീക്കവും വേദനയും കുറയ്ക്കാന്‍ സഹായിക്കും.

വ്യായാമം ചെയ്യുന്നത് മുട്ടുകള്‍ക്ക് ഒരുപാട് ഗുണം ചെയ്യും. ഇത് സന്ധികളില്‍ രക്തയോട്ടം വര്‍ദ്ധിപ്പിക്കുകയും കാല്‍മുട്ടിന് ചുറ്റുമുള്ള പേശികള്‍ക്ക് ബലം നല്‍കുകയും ചെയ്യും.

വേദന വളരെ കൂടുതലാണെങ്കില്‍, നീര് വെക്കുകയാണെങ്കില്‍, അല്ലെങ്കില്‍ നടക്കാന്‍ പോലും ബുദ്ധിമുട്ടുണ്ടെങ്കില്‍ ഒരു ഡോക്ടറെ കാണുന്നത് വളരെ നല്ലതാണ്.