മഞ്ഞുകാലത്ത് ചുണ്ടുകൾ പൊട്ടുന്നതിന് പരിഹാരം

ഓരോ കാലാവസ്ഥയും മാറുന്നതിന് അനുസരിച്ച് പലതരത്തിലുള്ള ആരോഗ്യപ്രശ്‌നങ്ങള്‍ നമ്മെ അലട്ടാം.

മഞ്ഞുകാലത്ത് ഏറ്റവുമധികം ബുദ്ധിമുട്ടുണ്ടാക്കുന്നൊരു പ്രശ്‌നമാണ് ചുണ്ട് വരണ്ടുപൊട്ടുന്നത്.

ചുണ്ടിലെ ചര്‍മ്മത്തില്‍ 'ഓയില്‍' ഗ്രന്ഥിയില്ലാത്താതിനാല്‍ ചുണ്ടില്‍ എണ്ണമയം എപ്പോഴും ഉണ്ടായിരിക്കുകയില്ല. തണുപ്പ് കാലം കൂടിയാകുമ്പോള്‍ ചുണ്ടിലെ തൊലി, വരണ്ടുപോവുകയും ഇത് പിന്നീട് പാളികളായി അടര്‍ന്നുവീഴുകയും ചെയ്യുന്നു.

മഞ്ഞുകാലത്ത് ലിപ് ബാമുകള്‍ പതിവാക്കുന്നത് ചുണ്ട് പൊട്ടുന്നത് തടയാന്‍ സഹായിക്കും. ലിപ് സ്റ്റിക്ക് ഉപയോഗിക്കുന്നവരാണെങ്കില്‍ മഞ്ഞ് കാലത്ത് ഓയിലി ആയ ലിപ് സ്റ്റിക്കോ, ലിപ് ബാമോ ഉപയോഗിക്കണം. മാറ്റ് ലിപ്സ്റ്റിക്ക് കഴിവതും ഒഴിവാക്കുക.

രാത്രിയില്‍ കിടക്കുന്നതിന് മുമ്പ് ആല്‍മണ്ട് ക്രീമോ ആല്‍മണ്ട് ഓയിലോ ചുണ്ടില്‍ പുരട്ടാം. ഇതും ചുണ്ട് പൊട്ടുന്നത് തടയും.

കുളി കഴിഞ്ഞ ശേഷമോ മുഖം കഴുകിയ ശേഷമോ നേര്‍ത്ത ടവല്‍ കൊണ്ട് ചുണ്ടിലെ പഴയ തൊലിയുടെ അവശേഷിപ്പുകള്‍ കളയാം.

പാല്‍പ്പാട തേക്കുന്നതും ചുണ്ടുകൾ വരണ്ട് പോകുന്നത് തടയും. ചുണ്ട് കറുക്കുന്നുണ്ടെങ്കില്‍ പാല്‍പ്പാടയില്‍ അല്‍പം നാരങ്ങാനീര് കൂടി ചേര്‍ത്ത് തേച്ചാല്‍ മതിയാകും. ഇത് ഒരു മണിക്കൂര്‍ മാത്രം വെച്ച് കഴുകി കളയാം.

എള്ളും തേനും അല്‍പം ആല്‍മണ്ട് ഓയിലും ചേര്‍ത്ത് ചുണ്ട് ഇടയ്ക്ക് സ്‌ക്രബ് ചെയ്യുന്നതും നല്ലത് തന്നെ. ആല്‍മണ്ട് ഓയില്‍ പോലെ തന്നെ വെളിച്ചെണ്ണ, ആര്‍ഗന്‍ ഓയില്‍ എന്നിവയും ചുണ്ടിന് നല്ലതാണ്.

ഇവക്കൊല്ലാം പുറമേ നല്ലത് പോലെ വെള്ളം കുടിക്കാനും 'ബാലന്‍സ്ഡ്' ആയ ഡയറ്റ് പാലിക്കാനും ശ്രമിക്കുക.