ബാത്ത്‌റൂമിനുള്ളിലെ ദുർഗന്ധം അകറ്റി ഫ്രഷായി നിലനിർത്താം

വീട്ടിൽ എപ്പോഴും വൃത്തിയുണ്ടായിരിക്കേണ്ട സ്ഥലമാണ് ബാത്ത്‌റൂം.

ബാത്ത്‌റൂമിനുള്ളിൽ ദുർഗന്ധം ഉണ്ടാകുന്നതിന് പലതരം കാരണങ്ങളാണ് ഉള്ളത്. ഇത് കണ്ടെത്തി പരിഹരിക്കേണ്ടതും വളരെ പ്രധാനമാണ്.

ചില കാര്യങ്ങൾ ശ്രദ്ധിച്ചാൽ ബാത്ത്‌റൂമിലെ ദുർ​ഗന്ധം അകറ്റാൻ കഴിയും.

ബാത്ത്‌റൂമിനുള്ളിൽ ശരിയായ രീതിയിൽ വായുസഞ്ചാരം ഇല്ലാതാകുമ്പോൾ വായു തങ്ങി നിൽക്കുകയും ഇത് ദുർഗന്ധം ഉണ്ടാവാൻ കാരണമാവുകയും ചെയ്യുന്നു.

ബാത്ത്‌റൂമിനുള്ളിൽ ഈർപ്പം തങ്ങി നിൽക്കുന്നതും ദുർഗന്ധത്തിന് കാരണമാകാറുണ്ട്. വെള്ളം ഉപയോ​ഗിക്കുമ്പോൾ എപ്പോഴും ഫ്ലോർ വൈപ്പർ ഉപയോ​ഗിച്ച് വെളളം നീക്കം ചെയ്യാൻ ശ്രമിക്കുക.

ബാത്ത്‌റൂമിനുള്ളിലെ വാട്ടർ ലീക്കുകൾ പെട്ടെന്ന് നമ്മുടെ ശ്രദ്ധയിൽപ്പെടണമെന്നില്ല. ഇത് ബാത്റൂമിനുള്ളിൽ പൂപ്പൽ ഉണ്ടാവാനും ദുർഗന്ധത്തിനും കാരണമാകുന്നു.

ബാത്ത്‌റൂം എപ്പോഴും വൃത്തിയോടെ സൂക്ഷിക്കാൻ ശ്രദ്ധിക്കണം. ബാത്റൂമിനുള്ളിലെ ഓരോ ഭാഗങ്ങളും കഴുകി വൃത്തിയാക്കി സൂക്ഷിക്കാൻ മറക്കരുത്.

ബാത്ത്‌റൂം ഉപയോ​ഗിക്കുമ്പോൾ എപ്പോഴും എക്‌സ്‌ഹോസ്റ്റര്‍ ഓണാക്കി ഇടണം. അതല്ലെങ്കില്‍ പിന്നീട് ബാത്ത്‌റൂമില്‍ ദുര്‍ഗന്ധം തോന്നിക്കും.

ഓരോ തവണ കുളി കഴിഞ്ഞതിന് ശേഷവും നന്നായി വെള്ളമൊഴിച്ച് സോപ്പും പതയുമെല്ലാം ഒഴുക്കിക്കളയണം. ഇങ്ങനെ ചെയ്യാത്തത് കൊണ്ടാണ് ചുമരുകളില്‍ അഴുക്ക് പിടിച്ച്, പാടുകളും മറ്റുമുണ്ടാകുന്നത്. ബാത്ത്‌റൂമിനുള്ളില്‍ അലക്കുന്നതും പരമാവധി ഒഴിവാക്കേണ്ട കാര്യമാണ്.

ബാത്ത്‌റൂം ഫ്രഷ്നറുകൾ അല്ലെങ്കിൽ ഒരു നാരങ്ങ മുറിച്ചതോ ബാത്ത്റൂമിൽ വെയ്ക്കുന്നത് ദുർ​ഗന്ധത്തെ വലിച്ചെടുക്കാൻ സഹായിക്കുന്നു.