പാവയ്ക്കയുടെ കയ്പ്പാണോ നിങ്ങളുടെ പ്രശ്നം, പരിഹാരമുണ്ട്

പാവയ്ക്ക നിരവധി പോഷകഗുണമുള്ള ഒരു പച്ചക്കറിയാണ്.

കുട്ടികൾക്കും മുതിർന്നവർക്കും ഒരുപോലെ കഴിക്കാൻ പറ്റുന്ന ആരോഗ്യ ഭക്ഷണമായിട്ടും പലരെയും ഇതിൽ നിന്ന് അകറ്റുന്നത് പാവയ്ക്കയുടെ കയപ്പ് രുചിയാണ്.

എന്നാൽ ഇനി ആ അകറ്റി നിർത്തൽ വേണ്ട. പാവയ്ക്കയുടെ കയ്പ്പ് കുറയ്ക്കാന്‍ ഈ വഴികൾ പരീക്ഷിച്ചു നോക്കൂ.

പുറമെയുള്ള പരുക്കൻ ഭാഗം ഒരു പീലർ ഉപയോഗിച്ച് നീക്കം ചെയ്യുന്നത് പാവയ്ക്കയുടെ കയ്പ്പില്‍ നിന്ന് രക്ഷപെടാൻ നല്ല മാർഗ്ഗമാണ്

കഷണങ്ങളാക്കിയ പാവയ്ക്ക നന്നായി ഉപ്പ് പുരട്ടി 20 മുതൽ 30 മിനിട്ടു വരെ പാകം ചെയ്യുന്നതിന് മുമ്പ് മാറ്റി വയ്ക്കുക. ശേഷം കഴുകി കറികൾക്കായി ഉപയോഗിക്കാം.

ഒരു പാത്രത്തിൽ പുളിവെള്ളം എടുക്കുക ഇതിലേക്ക് കഷ്ണങ്ങളാക്കിയ പാവയ്ക്ക ഒരു അരമണിക്കൂർ ഇട്ട് വെയ്ക്കുക. എന്നിട്ട് കഴുകുക.

കഷണങ്ങളാക്കിയ പാവയ്ക്ക ഒരു മണിക്കൂർ തൈരിൽ മുക്കി വച്ചശേഷം പാകം ചെയ്താൽ പാവയ്ക്കയുടെ കയ്പ്പ്‌ കുറയും.

പാവയ്ക്ക ഫ്രൈ ചെയ്തെടുത്ത ശേഷം കറികൾക്കായി ഉപയോഗിക്കുന്നതും ഇതിന്റെ കയ്പ്പ്‌ കുറയ്ക്കും.