അരിപ്പൊടിയുണ്ടോ? മുഖം സുന്ദരമാക്കാം

കുറഞ്ഞ ചെലവില്‍ മുഖം തിളങ്ങാൻ സഹായിക്കുന്ന ഒന്നാണ് അരിപ്പൊടി.

അരിപ്പൊടി മുഖത്തെ നിറം വർധിപ്പിക്കാനും മുഖത്തെ ചുളിവ് മാറ്റുന്നതിനും കറുത്ത പാടുകൾ മാറ്റുന്നതിനും കൊളാജന്‍റെ ഉത്പാദനത്തെ വർധിപ്പിച്ച് മുഖത്തെ തിളക്കം നില നിർത്തുന്നതിനും സഹായിക്കുന്നു.

അരിപ്പൊടി ഉപയോ​ഗിച്ച് മുഖം തിളങ്ങാനുള്ള ചില ഫേസ് പാക്കുകൾ നോക്കാം.

2 സ്പൂൺ അരിപൊടിയും അൽപം തെെരും യോജിപ്പിച്ച് മുഖത്തും കഴുത്തിലുമായി പുരട്ടുക. 20 മിനുട്ടിന് ശേഷം കഴുകി കളയുക. ഇത് സെൻസിറ്റീവ് ചർമ്മത്തിന് അനുയോജ്യമായ പാക്കാണ്.

2 ടേബിൾ സ്പൂൺ അരിപ്പൊടി 1 ടേബിൾ സ്പൂൺ തേനിൽ യോജിപ്പിച്ച് മുഖത്തിടുക. 10-15 മിനുട്ട് നേരം ഇടുക. ശേഷം കഴുകി കളയുക.

2 ടേബിൾ സ്പൂൺ അരി പൊടി, 2 ടേബിൾസ്പൂൺ മുൾട്ടാനി മിട്ടി, റോസ് വാട്ടർ എന്നിവ ചേർത്ത് പേസ്റ്റ് രൂപത്തിലാക്കുക. 5-10 മിനിറ്റ് നേരം വച്ച ശേഷം കഴുകിക്കളയുക.

നല്ല കൊഴുപ്പുള്ള പാലിൽ മൂന്ന് ടീസ്പൂണ്‍ അരിപ്പൊടി മിക്‌സ് ചെയ്ത് ചൂടാക്കി ചെറുതായി കുറുക്കി എടുക്കണം. അത് നല്ലപോലെ തണുത്ത് കഴിയുമ്പോള്‍ മുഖം കഴുകി മുഖത്ത് തേച്ച് പിടിപ്പിക്കാവുന്നതാണ്. 15 മിനിറ്റ് കഴിഞ്ഞ് മുഖം കഴുകി എടുക്കാം.

1 ടേബിൾസ്പൂൺ അരിപ്പൊടിയിലേയ്ക്ക് 1 ടീസ്പൂൺ തൈരും ഒരു നുള്ള് മഞ്ഞൾപ്പൊടി കൂടി ചേർത്തിളക്കി യോജിപ്പിക്കാം. മുഖത്ത് ഈ മിശ്രിതം പുരട്ടി 20 മിനിറ്റ് വിശ്രമിക്കാം.ശേഷം തണുത്ത വെള്ളത്തിൽ കഴുകി കളയാം.