'രണ്ട് ആത്മാക്കൾ, ഒരു താളം'; അലൈപായുതേയ്ക്ക് ചുവടുവച്ച് റിമയും പത്മപ്രിയയും

നടിമാരായ റിമ കല്ലിങ്കലും പത്മപ്രിയയും ഒന്നിച്ചുള്ള ചിത്രങ്ങളാണിപ്പോൾ ശ്രദ്ധ നേടുന്നത്.

‘അലൈപായുതേ കണ്ണാ’ എന്ന പാട്ടിന് ഇരുവരും ചേർന്ന് ചുവടുവച്ചതിന്റെ വിഡിയോയും നടിമാർ പങ്കുവച്ചിട്ടുണ്ട്.

കറുത്ത വസ്ത്രത്തിൽ അതിസുന്ദരിമാരായാണ് ഇരുവരെയും വിഡിയോയിൽ കാണാനാവുക.

"രണ്ട് ആത്മാക്കൾ, ഒരു താളം. വേദിക്ക് പിന്നിലെ കൊടുങ്കാറ്റുകൾ നിന്നു വേദിയിലെ നിലയ്ക്കാത്ത ചുവടുകളിലേക്ക്. ഇവിടെ നിശബ്ദത പൊട്ടിപ്പുറപ്പെടുകയും കോപം ആളിക്കത്തുകയും ചെയ്യുന്നു".

"രണ്ട് ഹൃദയങ്ങൾ കൊടുങ്കാറ്റിലൂടെ നൃത്തം ചെയ്യുന്നു. വേദിയിൽ ഭൂതകാലം ഇല്ലാതാവുകയും ചിറകുകൾ മാത്രം അവശേഷിക്കുകയും ചെയ്യുന്നു. ഞങ്ങൾ ഒന്നിച്ച് പറക്കുന്നു", എന്ന അടിക്കുറിപ്പോടെയാണ് വിഡിയോ പങ്കുവച്ചിരിക്കുന്നത്.

നൃത്തത്തെ അഭിനന്ദിച്ച് നിരവധി പേരാണ് വിഡിയോയ്ക്ക് താഴെ കമന്റ് രേഖപ്പെടുത്തിയിരിക്കുന്നത്.

പാർവതി തിരുവോത്ത്, നൈല ഉഷ, തുടങ്ങി നിരവധി താരങ്ങളും കമന്റ് ചെയ്തിട്ടുണ്ട്.

അഞ്ജലി മേനോന്റെ ‘ബാക്ക് സ്റ്റേജ്’ എന്ന ചിത്രത്തിൽ റിമ കല്ലിങ്കലും പത്മപ്രിയയും ഒന്നിച്ചെത്തിയിരുന്നു.