ടെസ്റ്റ് ചരിത്രത്തില്‍ ആദ്യം, ആ അപൂര്‍വ റെക്കോര്‍ഡും പന്തിന്!

സമീപ കാലത്ത് ഇന്ത്യയ്ക്ക് ടെസ്റ്റ് പോരാട്ടങ്ങളില്‍ ലഭിച്ച നിര്‍ണായക താരമാണ് ഋഷഭ് പന്ത്.

ടെസ്റ്റില്‍ താരം പ്രകടിപ്പിക്കുന്ന പോരാട്ട വീറ് അമ്പരപ്പിക്കുന്നതാണ്.

ഇംഗ്ലണ്ടിനെതിരെ നാലാം ടെസ്റ്റിന്റെ ഒന്നാം ഇന്നിങ്‌സില്‍ പരിക്കേറ്റ് റിട്ടയേര്‍ഡ് ഹര്‍ട്ടായ ശേഷം മടങ്ങിയെത്തി അര്‍ധ സെഞ്ച്വറി നേടിയതാണ് ഒടുവിലത്തെ ഉദാഹരണം.

54 റണ്‍സെടുത്ത് പന്ത് ടെസ്റ്റ് ക്രിക്കറ്റ് ചരിത്രത്തിലെ ഒരപൂര്‍വ നേട്ടം സ്വന്തം പേരിലാക്കി.

ഈ പരമ്പരയില്‍ അപാര ഫോമില്‍ ബാറ്റ് വീശുന്ന പന്ത് ഇംഗ്ലീഷ് മണ്ണില്‍ ഒറ്റ പരമ്പരയില്‍ 475ല്‍ കൂടുതല്‍ റണ്‍സെടുക്കുന്ന ലോകത്തിലെ ആദ്യ വിക്കറ്റ് കീപ്പറെന്ന നേട്ടം സ്വന്തമാക്കി.

പരമ്പരയില്‍ 479 റണ്‍സാണ് പന്ത് ഇതുവരെ നേടിയത്.

ഇതിഹാസ ഇംഗ്ലണ്ട് വിക്കറ്റ് കീപ്പര്‍ അലക്‌സ് സ്റ്റുവര്‍ട്ടാണ് റെക്കോര്‍ഡില്‍ നേരത്തെ മുന്നിലുണ്ടായിരുന്നത്. താരം ദക്ഷിണാഫ്രിക്കക്കെതിരായ പരമ്പരയില്‍ 464 റണ്‍സ് അടിച്ചിട്ടുണ്ട്.

2021-22 പരമ്പരയില്‍ ഇംഗ്ലീഷ് മണ്ണില്‍ ഏറ്റവും കൂടുതല്‍ റണ്‍സെടുക്കുന്ന ഇന്ത്യന്‍ വിക്കറ്റ് കീപ്പറെന്ന എംഎസ് ധോനിയുടെ റെക്കോര്‍ഡിനൊപ്പം പന്ത് എത്തിയിരുന്നു.

ഇരുവരും 349 റണ്‍സാണ് അടിച്ചത്. ഈ റെക്കോര്‍ഡ് നിലവിലെ പരമ്പരയില്‍ പന്ത് തിരുത്തിയാണ് പുതിയ ചരിത്രമെഴുതിയത്.