ഓണ്‍ലൈന്‍ ഷോപ്പിങ്ങിന് അഞ്ചു സുരക്ഷാ ടിപ്പുകള്‍

വിശ്വസനീയമായ സൈറ്റുകളില്‍ നിന്ന് മാത്രം ഷോപ്പ് ചെയ്യുക. പരിചയമില്ലാത്ത ചില സൈറ്റുകള്‍ ആകര്‍ഷണീയമായ ഓഫറുകള്‍ മുന്നോട്ടുവെച്ച് ചതിക്കുഴിയില്‍ വീഴ്ത്തിയെന്ന് വരാം

ഷോപ്പിങ്ങിനായി ലോഗിന്‍ ചെയ്യുമ്പോള്‍ ആര്‍ക്കും എളുപ്പം പിടികിട്ടാത്ത പാസ്‌വേര്‍ഡ് ഉപയോഗിക്കാന്‍ ശ്രമിക്കുക. സുരക്ഷയ്ക്കായി ടു ഫാക്ടര്‍ ഓതന്റിക്കേഷന്‍ ഉപയോഗിക്കുന്നതും നല്ലതാണ്. പാസ് വേര്‍ഡിന് പുറമേ മറ്റൊരു കോഡ് കൂടി നല്‍കേണ്ടി വരുന്നതിനാല്‍ കൂടുതല്‍ സുരക്ഷ ഉറപ്പാക്കുന്നു

സാധിക്കുമെങ്കില്‍ ഓണ്‍ലൈന്‍ ഷോപ്പിങ്ങിന് ക്രെഡിറ്റ് കാര്‍ഡ് ഉപയോഗിക്കാന്‍ ശ്രമിക്കുക. ഡെബിറ്റ് കാര്‍ഡിനെ അപേക്ഷിച്ച് ക്രെഡിറ്റ് കാര്‍ഡ് തട്ടിപ്പില്‍ നിന്ന് കൂടുതല്‍ സംരക്ഷണം നല്‍കുന്നുണ്ട്. ഡെബിറ്റ് കാര്‍ഡ് ഉപയോഗിക്കുമ്പോള്‍ സ്വകാര്യവിവരങ്ങള്‍ ചോരാനുള്ള സാധ്യത കൂടുതലാണ്.

സംശയം തോന്നുന്ന ലിങ്കുകളില്‍ ക്ലിക്ക് ചെയ്യരുത്. വെബ്‌സൈറ്റിന്റെ വാലിഡിറ്റി രണ്ടു തവണയെങ്കിലും ചെക്ക് ചെയ്യുന്നത് നല്ലതാണ്. എന്തുകൊണ്ടാണ് കൂടുതല്‍ ഡിസ്‌കൗണ്ടുകള്‍ ഓഫര്‍ ചെയ്യുന്നത് എന്ന കാരണം കണ്ടെത്താന്‍ ശ്രമിക്കുന്നതും നല്ലതാണ്

ബാങ്ക് സ്‌റ്റേറ്റ്‌മെന്റ് , ക്രെഡിറ്റ് കാര്‍ഡ് ഇടപാടുകള്‍ അടക്കം സാമ്പത്തിക ഇടപാടുകള്‍ പതിവായി പരിശോധിക്കുന്നത് നല്ലതാണ്. സംശയാസ്പദമായ ഇടപാടുകള്‍ വല്ലതും നടന്നോ എന്നും കൂടുതല്‍ ചാര്‍ജ് ഈടാക്കിയിട്ടുണ്ടോ എന്നും തിരിച്ചറിയാന്‍ ഇത് സഹായിക്കും.