'എന്റെ ചിന്തകൾ പോലെ തന്നെ ക്രമരഹിതം'; സായ് പല്ലവി പറയുന്നു

സോഷ്യല്‍ മീഡിയയില്‍ അത്ര സജീവമല്ല സായ് പല്ലവി.

അപൂര്‍വമായി മാത്രമേ നടി ഇന്‍സ്റ്റഗ്രാമില്‍ ചിത്രങ്ങള്‍ പോലും പങ്കുവെയ്ക്കാറുള്ളൂ.

ഇപ്പോഴിതാ നാല് മാസത്തെ ഇടവേളയ്ക്കുശേഷം സായ് പല്ലവി വീണ്ടും ആരാധകര്‍ക്ക് മുന്നില്‍ പ്രത്യക്ഷപ്പെട്ടിരിക്കുകയാണ്.

ജീവിതത്തിലെ പല സന്ദര്‍ഭങ്ങളിലായി പല സമയങ്ങളിലെടുത്ത ചിത്രങ്ങളാണ് നടി ഇന്‍സ്റ്റഗ്രാമില്‍ പോസ്റ്റ് ചെയ്തത്.

'എന്റെ തലയിലെ ചിന്തകള്‍ പോലെത്തന്നെ ക്രമരഹിതമായ ചിത്രങ്ങള്‍' എന്നാണ് ഇതിന് ക്യാപ്ഷന്‍ നല്‍കിയിരിക്കുന്നത്.

മിറര്‍ സെല്‍ഫിയും ഒരു കുഞ്ഞിനെ എടുത്തിരിക്കുന്ന ചിത്രവും ഇതില്‍ കാണാം.

മറ്റൊരു ചിത്രത്തില്‍ വീട്ടുമുറ്റത്തിരുന്ന് സായാഹ്നം ആസ്വദിക്കുന്നതും മറ്റൊന്നില്‍ ആരുടേയോ ചിത്രം പകര്‍ത്താന്‍ ശ്രമിക്കുന്നതും കാണാം.

ആരാധകര്‍ പ്രതീക്ഷയോടെ കാത്തിരിക്കുന്ന സായ് പല്ലവിയുടെ ബോളിവുഡ് ചിത്രമാണ് രാമായണ.