സിനിമയിൽ മാത്രമല്ല, ജീവിതത്തിലും സായ് പല്ലവി 'നായിക' തന്നെ

തനി നാടൻ സൗന്ദര്യവുമായി മലയാളികളുടെ മനസിലേക്ക് കയറി വന്ന നായികയാണ് സായ് പല്ലവി.

മലയാളവും തമിഴും കടന്ന് ബോളിവുഡ് വരെയെത്തി നിൽക്കുന്നു സായ് പല്ലവിയുടെ സിനിമാ യാത്ര. ജൂനിയർ ആർട്ടിസ്റ്റിൽ നിന്നാണ് സായ് പല്ലവിയുടെ സിനിമാ ജീവിതം തുടങ്ങുന്നത്.

ലോഹിത​ദാസ് സംവിധാനം ചെയ്ത കസ്തൂരിമാൻ എന്ന ചിത്രത്തിന്റെ തമിഴ് പതിപ്പിൽ മീര ജാസ്മിൻ പഠിക്കുന്ന കോളജിലെ വിദ്യാര്‍ഥികളില്‍ ഒരാളായി പാട്ടു സീനില്‍ മാത്രം വന്നു പോകുന്ന റോളായിരുന്നു ആദ്യം സായ് പല്ലവിയ്ക്ക്.

അഭിനയം കൊണ്ട് മാത്രമല്ല ജീവിതത്തിൽ സായ് പല്ലവി കാത്തു സൂക്ഷിക്കുന്ന മൂല്യങ്ങളിലൂടെയും നടിക്ക് നിരവധി ആരാധകരുണ്ട്. സായ് പല്ലവിയിൽ നിന്ന് മാതൃകയാക്കേണ്ട ചില പാഠങ്ങളിതാ.

അഭിനയത്തിലും ജീവിതത്തിലും മാത്രമല്ല, നിലപാടുകളിലും തിളങ്ങുന്ന താരമാണ് സായ് പല്ലവി. കോടികള്‍ ഓഫര്‍ ചെയ്തിട്ടും ഒരു ഫെയര്‍നെസ്സ് കമ്പനിയുടെ പരസ്യത്തില്‍ അഭിനയിക്കാന്‍ തയ്യാറാകാതിരുന്ന നടിയുടെ നിലപാട് ഏറെ ശ്രദ്ധ നേടിയിരുന്നു.

വിദ്യാഭ്യാസം തന്നെയാണ് ഏറ്റവും വലുതെന്നാണ് സായ് പല്ലവി പറയുന്നത്. എംബിബിഎസ് ബിരുദധാരി കൂടിയാണ് നടി.

പാഷനെ വിടാതെ പിന്തുടരുന്ന വ്യക്തി കൂടിയാണ് സായ് പല്ലവി. കുട്ടിക്കാലം മുതലേ അഭിനയിക്കാനും ഡാൻസ് ചെയ്യാനും അവർക്ക് ഇഷ്ടമായിരുന്നു.

പരാജയങ്ങളിൽ തളർന്നു പോകുന്ന ഒരാളല്ല, മറിച്ച് കഠിനാധ്വാനത്തിലൂടെ മുന്നേറാനും പരാജയങ്ങളിൽ നിന്ന് പാഠങ്ങൾ പഠിക്കാനും റിസ്ക് എടുക്കാനും തയ്യാറാകുന്ന നടി കൂടിയാണ്.

തമിഴ്നാട്ടിലെ കോട്ട​ഗിരി എന്ന സ്ഥലത്ത് നിന്നാണ് സായ് പല്ലവി വരുന്നത്. തന്റെ നാടിന്റെ സംസ്കാരവും രീതികളുമൊക്കെ കാത്തുസൂക്ഷിക്കുന്ന വ്യക്തി കൂടിയാണ് നടി.