പിസിഒഡിക്കാർക്ക് ഭാരം കുറയ്ക്കാൻ ഈ സാലഡ് മതി

പിസിഒഡി ഉള്ളവർ നേരിടുന്ന ഏറ്റവും വലിയ വെല്ലുവിളികളില്‍ ഒന്നാണ് അമിതഭാരം എന്നത്.

എത്ര വ്യായാമം ചെയ്താലും വണ്ണം കുറയുന്നില്ല എന്ന പരാതി പലർക്കുമുണ്ട്. ഇതിന് പ്രധാന കാരണം ഇൻസുലിൻ റെസിസ്റ്റൻസും ഹോർമോൺ വ്യതിയാനങ്ങളുമാണ്.

പി സി ഒ ഡിക്കാര്‍ ഉച്ചഭക്ഷണത്തിന് അമിതമായി ചോറ് കഴിക്കുന്നത് രക്തത്തിലെ പഞ്ചസാരയുടെ അളവ് കൂട്ടാൻ കാരണമാകും.

വിശപ്പ് കുറയ്ക്കാനും ഊർജ്ജം നൽകാനും സഹായിക്കുന്ന ഒരു സ്പെഷൽ പ്രോട്ടീൻ സാലഡ് ഇതാ.

വേണ്ട സാധനങ്ങള്‍

മുളപ്പിച്ച ചെറുപയർ - 1 കപ്പ്

കക്കിരിക്ക ചെറുതായി അരിഞ്ഞത് - അര കപ്പ്

തക്കാളി അരിഞ്ഞത് - 1 ചെറുത്

സവാള അരിഞ്ഞത് - 1 ചെറുത്

പച്ചമുളക് - 1

മല്ലിയില - ആവശ്യത്തിന്

നാരങ്ങാനീര് - 1 ടേബിൾ സ്പൂൺ

കുരുമുളകുപൊടി - അര ടീസ്പൂൺ

ഉപ്പ് - പാകത്തിന്‌

തയാറാക്കുന്ന വിധം

ആദ്യം ഒരു പാത്രത്തില്‍ മുളപ്പിച്ച ചെറുപയർ എടുക്കുക. പച്ചയ്ക്ക് കഴിക്കാൻ ബുദ്ധിമുട്ടുള്ളവർക്ക് ഇത് നേരിയ രീതിയിൽ ആവിയിൽ വേവിച്ചെടുക്കാവുന്നതാണ്.

ഇതിലേക്ക് അരിഞ്ഞു വെച്ചിരിക്കുന്ന വെള്ളരിക്ക, തക്കാളി, സവാള, പച്ചമുളക്, മല്ലിയില എന്നിവ ചേർത്ത് നന്നായി യോജിപ്പിക്കുക.

ഇതിനു മുകളിലായി നാരങ്ങാനീരും കുരുമുളകുപൊടിയും ഉപ്പും വിതറി വീണ്ടും ഇളക്കുക.

വേണമെങ്കിൽ അല്പം വറുത്ത നിലക്കടലയോ പനീർ കഷ്ണങ്ങളോ കൂടി ഇതോടൊപ്പം ചേർക്കുന്നത് രുചി വർദ്ധിപ്പിക്കും.