കൊടുംക്രൂരതയാല്‍ ഞെട്ടിച്ച സഞ്ജയ് ദത്തിന്റെ ഏഴ് കഥാപാത്രങ്ങൾ

65-ാം ജന്മദിനം ആഘോഷിക്കുകയാണ് ബോളിവുഡ് സൂപ്പര്‍താരം സഞ്ജയ് ദത്ത്.

നായകൻ എന്ന നിലയില്‍ മാത്രമല്ല വില്ലന്‍ വേഷത്തിലും താരം തിളങ്ങിയിട്ടുണ്ട്. സഞ്ജയ് ദത്ത് ഗംഭീരമാക്കിയ ഏഴ് വില്ലന്‍ കഥാപാത്രങ്ങള്‍.

കെജിഎഫ് ചാപ്റ്റര്‍ 2

1000 കോടി കളക്റ്റ് ചെയ്ത ചിത്രത്തില്‍ കൊടൂര വില്ലനായ അധീര എന്ന കഥാപാത്രമായാണ് സഞ്ജയ് ദത്ത് എത്തിയത്. താരത്തിന്റെ പ്രകടനം വന്‍ കയ്യടി നേടിയിരുന്നു.

അഗ്നിപഥ്

ഹൃത്വിക് റോഷന്‍ നായകനായി എത്തിയ 2012 ചിത്രമാണ് അഗ്നിപഥ്. കരണ്‍ മല്‍ഹോത്ര സംവിധാനം ചെയ്ത ചിത്രത്തില്‍ കാഞ്ച ചീന എന്ന വില്ലന്‍ കഥാപാത്രത്തെയാണ് അവതരിപ്പിച്ചത്.

ഖല്‍ നായക്

1993ല്‍ റിലീസ് ചെയ്ത ചിത്രമാണ് ഖല്‍ നായക്. ചിത്രത്തില്‍ ബല്‍റാം ബല്ലു പ്രസാദ് എന്ന കഥാപാത്രമായാണ് താരം എത്തിയത്.

പാനിപത്

2019ല്‍ റിലീസ് ചെയ്ത ചിത്രം. അഹ്മദ് ഷാ അബ്ദാലിയുടെ റോളിലാണ് സഞ്ജയ് ദത്ത് ചിത്രത്തിലെത്തിയത്. അര്‍ജുന്‍ കപൂറും കൃതി സനനുമാണ് മറ്റ് പ്രധാന വേഷത്തിലെത്തിയത്.

അലാദീന്‍

2009ല്‍ റിലീസ് ചെയ്ത ഫാന്റസി ആക്ഷന്‍ കോമഡി ചിത്രം. റിങ് മാസ്റ്റര്‍ എന്ന കഥാപാത്രത്തെയാണ് സഞ്ജയ് ദത്ത് അവതരിപ്പിച്ചത്. അമിതാഭ് ബച്ചനും ചിത്രത്തില്‍ പ്രധാന വേഷത്തിലെത്തിയിരുന്നു.

ഷംഷേര

രണ്‍ബീര്‍ കപൂര്‍ നായകനായി എത്തിയ ചിത്രം 2022ലാണ് റിലീസ് ചെയ്തത്. ധരോഗ ഷുദ്ദ സിങ് എന്ന കഥാപാത്രത്തെയാണ് താരം അവതരിപ്പിച്ചത്.

ലിയോ

വിജയ്- ലോകേഷ് കനകരാജ് ചിത്രമാണ് ലിയോ. ചിത്രത്തില്‍ ആന്റണി ദാസ് എന്ന കഥാപാത്രമായാണ് സഞ്ജയ് ദത്ത് എത്തിയത്.