സഞ്ജുവിന്റെ മാസ്മരിക വെടിക്കെട്ട്

ഹൈദരാബാദില്‍ മാസ്മരിക ഇന്നിങ്ങ്‌സ് കാഴ്ച വെച്ച സഞ്ജു 40 പന്തില്‍ നിന്നും ടി 20യിലെ ആദ്യ സെഞ്ച്വറി നേടി

ഇന്ത്യക്കാരന്റെ വേഗമേറിയ രണ്ടാമത്തെ ടി20 സെഞ്ചറി സഞ്ജു സാംസൺ സ്വന്തം പേരിൽ കുറിച്ചു

ടി20 യിൽ സെഞ്ച്വറി നേടുന്ന ആദ്യ ഇന്ത്യന്‍ വിക്കറ്റ് കീപ്പറെന്ന നേട്ടവും സഞ്ജു സാംസൺ സ്വന്തമാക്കി

ടി20യിൽ രണ്ടാം വിക്കറ്റിൽ ഇന്ത്യയുടെ രണ്ടാമത്തെ ഉയർന്ന കൂട്ടുകെട്ടാണ് സഞ്ജുവും ക്യാപ്റ്റൻ സൂര്യകുമാർ യാദവും ചേർന്ന് നേടിയ 173 റൺസ്

ടി20യിൽ ഒരു ഓവറിൽ ഇന്ത്യക്കാരൻ നേടുന്ന നാലാമത്തെ ഉയർന്ന സ്കോറും സഞ്ജു കരസ്ഥമാക്കി

റിഷാദ് ഹുസൈൻ എറിഞ്ഞ പത്താം ഓവറിൽ തുടർച്ചയായ അഞ്ച് സിക്സറുകളുടെ അകമ്പടിയോടെ 30 റൺസ് നേടിയാണ് സഞ്ജു നാലാമത്തെ ഉയർന്ന സ്കോറർ നേട്ടം കൈവരിച്ചത്

മത്സരത്തിൽ ഇന്ത്യ 22 സിക്സറുകളും 25 ഫോറുകളും അടിച്ചു. ഇതിൽ എട്ടു സിക്സുകളും 11 ഫോറും സഞ്ജുവിന്റെ ബാറ്റിൽ നിന്നാണ്

പവർപ്ലേയിൽ ഇന്ത്യയുടെ ഏറ്റവും ഉയർന്ന സ്കോറും ബംഗ്ലാദേശിനെതിരെ ഇന്ത്യ കുറിച്ചു – 82/1

ടെസ്റ്റ് പദവിയുള്ള രാജ്യങ്ങളെ പരിഗണിച്ചാൽ ഏറ്റവും ഉയർന്ന ടി 20 സ്കോറാണ് ഇന്ത്യ നേടിയത് ( 297 റൺസ്)

കഴിഞ്ഞ ഏഷ്യൻ ​ഗെയിംസിൽ മംഗോളിയക്കെതിരേ മൂന്ന് വിക്കറ്റ് നഷ്ടത്തില്‍ 314 റണ്‍സ് നേടിയ നേപ്പാൾ ആണ് അന്താരാഷ്ട്ര ടി20-യിലെ ഏറ്റവുമുയര്‍ന്ന സ്കോറിനുടമ