കുട്ടികൾക്ക് ദിവസവും മുട്ട കൊടുക്കേണ്ടതുണ്ടോ?

പ്രോട്ടീൻ, ബി 12, ഡി പോലുള്ള വിറ്റാമിനുകൾ, കോളിൻ, ല്യൂട്ടിൻ, ആരോഗ്യകരമായ കൊഴുപ്പുകൾ എന്നിവയാൽ മുട്ട സമ്പന്നമാണ്.

ഈ പോഷകങ്ങളെല്ലാം തലച്ചോറിന്റെ ശക്തിക്കും ആരോഗ്യകരമായ രോഗപ്രതിരോധ സംവിധാനത്തിനും സഹായിക്കുന്നു.

മുട്ട ഒരു മികച്ച പ്രഭാതഭക്ഷണം മാത്രമല്ല. കുട്ടികൾക്ക് പോഷകാഹാരം വർദ്ധിപ്പിക്കുന്നതിനുള്ള ഒരു മികച്ച ഭക്ഷണം കൂടിയാണ്. ഒരു മുട്ടയിൽ ഏകദേശം 6 ഗ്രാം പ്രോട്ടീൻ അടങ്ങിയിട്ടുണ്ട്. ഇത് കുട്ടികളിൽ തലച്ചോറിന്റെ വികാസത്തിനും ഓർമ്മശക്തിയും കൂട്ടുന്നു.

കാഴ്ശക്തി കൂട്ടുന്നതിന് വേണ്ടിയിട്ടുള്ള ല്യൂട്ടിൻ, സിയാക്സാന്തിൻ എന്നിവയും മുട്ടയിൽ അടങ്ങിയിട്ടുണ്ട്. മുട്ട പ്രോട്ടീൻ മാത്രമല്ല നൽകുന്നത്. കുട്ടികൾക്ക് ദിവസവും ആവശ്യമായ വിറ്റാമിനുകളും ധാതുക്കളും അവ നൽകുന്നു.

1 മുതൽ 8 വയസ്സുവരെയുള്ള കുട്ടികൾ പ്രതിദിനം 1 മുതൽ 2 വരെ മുട്ടകൾ കഴിക്കുന്നത് നല്ലതാണ്. ഈ അളവ് വളരുന്ന കുട്ടികൾക്ക് ആവശ്യമായ പ്രോട്ടീനും പോഷകങ്ങളും നൽകുന്നു.

മുട്ട കഴിക്കാത്ത കുട്ടികളുമായി താരതമ്യപ്പെടുത്തുമ്പോൾ, മുട്ട കഴിക്കുന്ന കുട്ടികൾക്ക് ശരീരത്തിന് ആവശ്യമായ പ്രോട്ടീൻ, നല്ല കൊഴുപ്പ്, ഡിഎച്ച്എ, കോളിൻ, വിറ്റാമിൻ ഡി തുടങ്ങി കൂടുതൽ പോഷകങ്ങൾ ലഭിക്കുന്നുണ്ടെന്ന് പഠനങ്ങൾ പറയുന്നു.