സമകാലിക മലയാളം ഡെസ്ക്
ഇന്ത്യന്‍ ടെസ്റ്റ് ക്യാപ്റ്റനായുള്ള അരങ്ങേറ്റ പരമ്പരയില്‍ മാരക ഫോമിലാണ് ശുഭ്മാന്‍ ഗില്‍ ബാറ്റ് വീശുന്നത്.
മൂന്ന് ടെസ്റ്റുകളില്‍ നിന്നായി ഗില്‍ സ്വന്തമാക്കിയത് 607 റണ്‍സ്.
430 റണ്‍സ് രണ്ടാം ടെസ്റ്റിലെ രണ്ടിന്നിങ്‌സില്‍ നിന്നാണ് താരം അടിച്ചെടുത്തത്.
എഡ്ജ്ബാസ്റ്റണില്‍ നേടിയ 269 റണ്‍സാണ് ഉയര്‍ന്ന സ്‌കോര്‍. 101.16 ആണ് ആവറേജ്.
നാലാം ടെസ്റ്റിനിറങ്ങാനിരിക്കെ ഗില്‍ ഒരു അപൂര്‍വ റെക്കോര്‍ഡിന്റെ വക്കില്‍.
ഇംഗ്ലീഷ് മണ്ണില്‍ ഒരു ടെസ്റ്റ് പരമ്പരയില്‍ ഏറ്റവും കൂടുതല്‍ റണ്‍സെടുക്കുന്ന ഏഷ്യന്‍ താരമെന്ന അനുപമ റെക്കോര്‍ഡിന് വേണ്ടത് 25 റണ്‍സ് മാത്രം.
19 വര്‍ഷമായി തകരാതെ നില്‍ക്കുന്ന റെക്കോര്‍ഡാണ് ഗില്‍ മറികടക്കാന്‍ ഒരുങ്ങുന്നത്.
2006ല്‍ പാകിസ്ഥാന്‍ ഇതിഹാസ ബാറ്റര്‍ മുഹമ്മദ് യൂസുഫ് നേടിയ 631 റണ്‍സാണ് നിലവിലെ റെക്കോര്‍ഡ് സ്‌കോര്‍.
602 റണ്‍സെടുത്ത ഇന്ത്യന്‍ ഇതിഹാസം രാഹുല്‍ ദ്രാവിഡാണ് പട്ടികയിലെ മൂന്നാമന്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates