വെളിച്ചെണ്ണയിലെ വ്യാജനെ തിരിച്ചറിയാം

വിപണിയിൽ വെളിച്ചെണ്ണയുടെ വില കൂടിവരുന്നതിനനുസരിച്ച് തന്നെ വ്യജ വെളിച്ചെണ്ണയുടെ ലഭ്യതയും കൂടുന്നു.

നമ്മൾ ഒറിജിനൽ എന്ന് കരുതി വാങ്ങുന്ന വെളിച്ചെണ്ണ ചിലപ്പോൾ വ്യാജനായേക്കാം.

ചില ലളിതമായ ട്രിക്കുകൾ ഉപയോ​ഗിച്ച് വീട്ടിൽ ത‌ന്നെ വെളിച്ചെണ്ണയുടെ ​ഗുണനിലവാരം ഉറപ്പാക്കാനാകും.

ഒരു ഗ്ലാസ്സില്‍ വെള്ളമെടുത്ത് അതിലേക്ക് ഒരു സ്പൂണ്‍ വെളിച്ചെണ്ണ ഒഴിക്കുക. ശുദ്ധമായ വെളിച്ചെണ്ണ വെള്ളത്തില്‍ ലയിക്കില്ല, അത് മുകളില്‍ പാളിയായി നില്‍ക്കും. മായം ചേര്‍ത്ത എണ്ണയാണെങ്കില്‍, അത് വെള്ളത്തില്‍ ലയിക്കുന്നതായി കാണാം.

ശുദ്ധമായ വെളിച്ചെണ്ണ കയ്യിൽ പുരട്ടുമ്പോഴേ പെട്ടെന്ന് ആ​ഗിരണം ചെയ്യപ്പെടുകയും ചര്‍മ്മം മൃദുവായി അനുഭവപ്പെടുകയും ചെയ്യും. മായം ചേര്‍ത്തതാണെങ്കില്‍ ചര്‍മത്തില്‍ വേഗത്തില്‍ ആ​ഗിരണം ചെയ്യപ്പെടാതെ നില്‍ക്കുകയും ഒട്ടിപ്പിടിക്കുന്നതായി അനുഭവപ്പെടുകയും ചെയ്യും.

ശുദ്ധമായ വെളിച്ചെണ്ണ ചെറിയ തീയില്‍ ചൂടാക്കുമ്പോള്‍ നല്ല മണം ഉണ്ടാകും. മായം ചേര്‍ത്തതാണെങ്കില്‍, ചൂടാക്കുമ്പോള്‍ അസ്വാഭാവികമായ മണമുണ്ടാകാം.

ഒരു ചില്ലു പാത്രത്തില്‍ അര മണിക്കൂർ വെളിച്ചെണ്ണ ഫ്രിഡ്ജില്‍ സൂക്ഷിക്കുക. ശുദ്ധമായ വെളിച്ചെണ്ണയാണെങ്കില്‍ അത് പൂര്‍ണ്ണമായും വെളുത്ത നിറത്തിൽ ഉറക്കുകയും മായം കലര്‍ന്നതാണെങ്കില്‍ വെളിച്ചെണ്ണയ്ക്ക് മുകളിലോ താഴെയോ വേറിട്ടൊരു പാളി കാണാം.