സമകാലിക മലയാളം ഡെസ്ക്
ഓഹരി വിപണി ചാഞ്ചാട്ടത്തിലായാലും ആവറേജ് ചെയ്യുമെന്നതിനാല്‍ എസ്ഐപി നിക്ഷേപത്തിന് പ്രിയം കൂടുകയാണ്
കഴിഞ്ഞ നാലു-നാലരക്കൊല്ലം പരിഗണിച്ചാല്‍ മ്യൂച്ചല്‍ഫണ്ടിലും ഓഹരി വിപണിയിലും പണമിറക്കുന്ന മലയാളികളുടെ എണ്ണത്തിലും നിക്ഷേപത്തിലും വന്‍ കുതിച്ചുച്ചാട്ടമാണ് ദൃശ്യമാകുന്നത്
ഏതാണ്ട് 25 ലക്ഷത്തോളം മലയാളികള്‍ ഓഹരി വിപണിയില്‍ നിക്ഷേപകരായുണ്ടെന്നാണ് സ്റ്റോക്ക് എക്‌സ്‌ചേഞ്ച് കണക്കുകള്‍ വ്യക്തമാക്കുന്നത്
ഇക്വിറ്റി മ്യൂച്ചല്‍ ഫണ്ടുകളില്‍ പ്രതിമാസം 5,000 രൂപയുടെ എസ്ഐപി നിക്ഷേപം നടത്തിയാല്‍ 26 വര്‍ഷത്തിനുള്ളില്‍ കോടീശ്വരനാകാന്‍ കഴിയുമെന്നാണ് വിപണി വിദഗ്ധരുടെ അവകാശം
ദീര്‍ഘകാല എസ്ഐപി നിക്ഷേപങ്ങള്‍ക്ക് ശരാശരി 12 ശതമാനം റിട്ടേണ്‍ ലഭിക്കുമെന്ന കണക്കുകൂട്ടലിലാണ് ഈ അവകാശവാദം
2025 മുതല്‍ 26 വര്‍ഷത്തേക്ക് പ്രതിമാസം 5,000 രൂപ വീതം നിക്ഷേപിക്കാന്‍ തുടങ്ങിയാല്‍, 2051 ആകുമ്പോഴേക്കും മൊത്തം നിക്ഷേപ തുക 15.6 ലക്ഷം രൂപയാകും.
നിക്ഷേപത്തിന് ശരാശരി 12 ശതമാനം റിട്ടേണ്‍ പ്രതീക്ഷിച്ചാല്‍ പലിശ മാത്രം 91.96 ലക്ഷം രൂപ ആയിരിക്കുമെന്നും വിദഗ്ധര്‍
നിക്ഷേപിച്ച 15.6 ലക്ഷം രൂപയും 91.96 ലക്ഷം രൂപയും ചേര്‍ത്താല്‍ 2051ല്‍ 1.07 കോടി രൂപ ലഭിക്കും.
15.6 ലക്ഷം രൂപ ഒറ്റയടിക്ക് നിക്ഷേപിക്കുകയാണെങ്കില്‍, 2051ല്‍ മൊത്തം സമ്പത്ത് 2.97 കോടി രൂപയാകും
എസ്ഐപി നിക്ഷേപം ഗ്യാരണ്ടീഡ് റിട്ടേണ്‍ സ്‌കീം അല്ലെന്നും നഷ്ടസാധ്യത ഉള്ള കാര്യവും നിക്ഷേപകര്‍ ഓര്‍ക്കണമെന്നും വിപണി വിദഗ്ധര്‍ പറഞ്ഞു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates