തണുപ്പാണ്, കൂടുതൽ ശ്രദ്ധയോടെ ചർമ്മം സംരക്ഷിക്കാം

തണുപ്പുകാലം തുടങ്ങിയാൽ ചർമത്തിന് എന്നും പ്രശ്നങ്ങളാണ്.

ചുണ്ട് പൊട്ടുന്നു, ചർമം വരളുന്നു, കാൽപാദങ്ങൾ വിണ്ടുകീറുന്നു, മുടി പൊട്ടിപ്പോകുന്നു തുടങ്ങി ഒട്ടേറെ പ്രയാസങ്ങൾ.

ചർമ സംരക്ഷണത്തിൽ ഏറെ ശ്രദ്ധിക്കേണ്ട സമയമാണ് ഇത്.

തല കുളിക്കുമ്പോൾ

• നീരിറക്കമുള്ളവരും കഫത്തിന്റെ പ്രയാസമനുഭവിക്കുന്നവരും തല കുളിക്കുമ്പോൾ ശ്രദ്ധിക്കണം.

• ഇളംചൂടുവെള്ളത്തിൽ രാവിലെ കുളിക്കുന്നതാണ് നല്ലത്.

• ആദ്യം തല കുളിച്ച ശേഷമേ മേലുകഴുകാവൂ. ആര്യവേപ്പിന്റെ ഇലയിട്ടു തിളപ്പിച്ച വെള്ളം തണുപ്പിച്ച് തലയിലൊഴിക്കാം.

എണ്ണ തേച്ച് കുളിക്കാം

• അന്തരീക്ഷം തണുപ്പുള്ളതായതിനാൽ ശരീരത്തിൽ തേക്കാനായി ഉഷ്ണവീര്യമുള്ള തൈലങ്ങൾ ഉപയോഗിക്കാം.

• പിണ്ഡതൈലം, നാൽപാമരാദി കേരം, ധന്വന്തംരം തുടങ്ങി ശരീരപ്രകൃതിക്ക് അനുസരിച്ചുള്ളവ വൈദ്യനിർദേശാനുസരണം ലഭിക്കും. ഇവ പത്തോ പതിനഞ്ചോ മിനിറ്റ് നേരം തേച്ചുപിടിപ്പിക്കാം. തുടർന്ന് ഇളം ചൂടുവെള്ളത്തിൽ കുളിക്കാം.

ചുണ്ടുകൾ

• ചുണ്ടുകൾ ഇടയ്ക്കിടെ നനയ്ക്കുന്നത് ഒഴിവാക്കണം.

• പകൽ പുറത്തിറങ്ങുന്നതിന് മുൻപ് മോയ്ചറൈസിങ് എഫക്ടുള്ള ലിപ് ബാം പുരട്ടാം.

പാദങ്ങൾ

• എണ്ണമയം കുറയുമ്പോഴാണ് പാദങ്ങൾ വിണ്ടുകീറാൻ തുടങ്ങുന്നത്.

• പാദങ്ങളിൽ വെളിച്ചെണ്ണ പുരട്ടി മസ്സാജ് ചെയ്യുന്നത് ഈർപ്പം നിലനിർത്താൻ സഹായിക്കും.