നല്ല തണുപ്പാണ്; ചർമ്മത്തിന് വേണ്ടത് എക്സ്ട്രാ കെയർ

ചർമം നന്നായി സംരക്ഷിക്കുന്നവർക്കും അല്ലാത്തവർക്കും വലിയ ഒരു വെല്ലുവിളിയാണ് ശൈത്യകാലത്തെ ചർമ്മസംരക്ഷണം.

കാൽപാദങ്ങൾ വിണ്ടുകീറുന്നതും ചുണ്ട് പൊട്ടുന്നതുമെല്ലാം ഈ കാലത്താണ്.

ചില പ്രത്യേക പരിചരണങ്ങൾ നൽകിയാൽ മാത്രമേ തണുപ്പ് കാലത്ത് നമ്മുടെ ചർമ്മത്തെ നല്ല രീതിയിൽ സംരക്ഷിക്കാൻ കഴിയുകയുള്ളു.

ചൂട് വെള്ളത്തിലെ കുളി ഒഴിവാക്കുക

തണുപ്പ് കാലത്ത് നല്ല ചൂടുവെള്ളത്തിൽ കുളിക്കുന്നത് ചർമ്മത്തിന്റെ സ്വാഭാവികമായ എണ്ണമയം നഷ്ടപ്പെടുത്തുന്നു. ഇത് തടയാൻ ചെറു ചൂടുവെള്ളത്തിലോ തണുത്ത വെള്ളത്തിലോ കുളിക്കാവുന്നതാണ്.

ആരോഗ്യകരമായ ഭക്ഷണം കഴിക്കുക

ചർമ്മത്തിന് പോഷകം നൽകുന്ന പഴങ്ങളും പച്ചക്കറികളും തണുപ്പുകാലത്തും നന്നായി ഉപയോഗിക്കുക. ഇത് ചർമ്മത്തെ ആരോഗ്യത്തോടെ നിലനിർത്തും.

വെള്ളം കുടിക്കുക

ചൂടുകാലത്ത് ഉള്ള പോലെ തന്നെ പ്രധാനമാണ് തണുപ്പ് കാലത്തും നന്നായി വെള്ളം കുടിക്കുന്നത്. ധാരാളം വെള്ളം കുടിക്കുന്നത് ശരീരത്തിന്റെ സ്വാഭാവികത നിലനിർത്തും.

മോയ്സ്ചുറൈസർ ഉപയോഗിക്കുക

കുളി കഴിഞ്ഞ് ഉടന്‍ തന്നെ മോയ്ചുറൈസര്‍ ശരീരത്തിലും മുഖത്തുമിടാന്‍ ശ്രമിക്കുക. മോയ്ചുറൈസര്‍ തുടര്‍ച്ചയായി ഉപയോഗിക്കുന്നത് വഴി മുഖക്കരുവും ചര്‍മ്മത്തിലെ പാടുകളും ഇല്ലാതാകും

എണ്ണ തേച്ചു കുളിക്കുക

വീട്ടിൽ ലഭ്യമായ എണ്ണകൾ തേച്ചു കുളിക്കുന്നതും തണുപ്പ് കാലത്തെ ചർമ്മ സംരക്ഷണത്തിന് നല്ലതാണ്. ഇത് ചര്‍മ്മത്തിലെ ജലാംശം നഷ്ടപ്പെടുന്നത് തടയാന്‍ വളരെയധികം സഹായിക്കും.