കന്നി സെഞ്ച്വറി, എലീറ്റ് പട്ടികയില്‍ ഇനി സ്മൃതിയും

വനിതാ ടി20യില്‍ കന്നി സെഞ്ച്വറിയടിച്ച് ഇന്ത്യയുടെ സ്മൃതി മന്ധാന എലീറ്റ് പട്ടികയില്‍.

വനിതാ ടി20യില്‍ അതിവേഗം സെഞ്ച്വറി നേടിയ താരങ്ങളുടെ എലീറ്റ് പട്ടികയില്‍ സ്മൃതിയും.

ഇംഗ്ലണ്ടിനെതിരെ 51 പന്തില്‍ സെഞ്ച്വറി നേടിയ സ്മൃതി പട്ടികയില്‍ അഞ്ചാം സ്ഥാനത്ത്.

ബംഗ്ലാദേശ് താരം ഫര്‍ഗാന ഹഖ്, ഓസ്‌ട്രേലിയന്‍ താരം മെഗ് ലാന്നിങ് എന്നിവര്‍ക്കൊപ്പമാണ് സ്മൃതിയുമെത്തിയത്. മൂവരും 51 പന്തിലാണ് ശതകം കുറിച്ചത്.

38 പന്തില്‍ സെഞ്ച്വറി നേടിയ വീന്‍ഡീസിന്റെ ദിയേന്ദ്ര ഡോട്ടിനാണ് ഒന്നാമത്.

46 പന്തില്‍ ശതകവുമായി ഓസീസിന്റെ അലിസ ഹീലി രണ്ടാമത്.

ഇംഗ്ലണ്ടിന്റെ ടാസ്മിന്‍ ബ്യുമോണ്ടാണ് മൂന്നാമത്. താരം 47 പന്തിലാണ് സെഞ്ച്വറി നേടിയത്.

നാലാമത് ഇന്ത്യന്‍ ക്യാപ്റ്റന്‍ ഹര്‍മന്‍പ്രീത് കൗര്‍. താരം 49 പന്തില്‍ സെഞ്ച്വറി അടിച്ചു.

ഇംഗ്ലണ്ടിനെതിരായ പോരാട്ടത്തില്‍ 62 പന്തില്‍ 3 സിക്‌സും 15 ഫോറും സഹിതം സ്മൃതി 112 റണ്‍സ് അടിച്ചെടുത്തു.