സമകാലിക മലയാളം ഡെസ്ക്
വനിതാ പ്രീമിയര് ലീഗില് പുതു ചരിത്രമെഴുതി റോയല് ചലഞ്ചേഴ്സ് ബംഗളൂരു ക്യാപ്റ്റന് സ്മൃതി മന്ധാന.
ഡല്ഹി ക്യാപിറ്റല്സിനെതിരായ പോരാട്ടത്തില് 47 പന്തില് 81 റണ്സ് അടിച്ചെടുത്താണ് സ്മൃതി റെക്കോര്ഡ് നേട്ടത്തിലെത്തിയത്.
10 ഫോറും മൂന്ന് സിക്സും സഹിതമായിരുന്നു സ്മൃതിയുടെ ഉജ്ജ്വല ബാറ്റിങ്.
വനിതാ പ്രീമിയര് ലീഗ് ചരിത്രത്തില് രണ്ട് തവണ 80, അതിനു മുകളില് വ്യക്തികത സ്കോര് സ്വന്തമാക്കുന്ന ആദ്യ താരമായി സ്മൃതി മാറി.
കഴിഞ്ഞ സീസണിലും താരം 80 റണ്സ് അടിച്ചെടുത്തിരുന്നു.
യുപി വാരിയേഴ്സിനെതിരായ പോരാട്ടത്തില് 50 പന്തിലാണ് താരം 80 റണ്സ് സ്വന്തമാക്കിയത്.
കഴിഞ്ഞ സീസണില് 2 അര്ധ സെഞ്ച്വറിയടക്കം 300 റണ്സ് 10 മത്സരങ്ങളില് നിന്നു സ്മൃതി അടിച്ചെടുത്തിരുന്നു.
ആര്സിബിയുടെ കന്നി വനിതാ പ്രീമിയര് ലീഗ് കിരീട നേട്ടത്തില് നിര്ണായകമായതും താരമാണ്.
ഇതിനൊപ്പം മറ്റൊരു നേട്ടവും സ്മൃതി മന്ധാന സ്വന്തമാക്കി.
വനിതാ പ്രീമിയര് ലീഗില് 500 റണ്സ് തികയ്ക്കുന്ന ആറാമത്തെ മാത്രം താരമായി ആര്സിബി ക്യാപ്റ്റന് മാറി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates