ഹോട്ടലുകളിലെ സോഫ്റ്റ് പുട്ട് ഇനി വീട്ടിലും ഉണ്ടാക്കാം

പുട്ടും കടലയും പപ്പടവും പഴവും, കേരളത്തിന് അകത്തും പുറത്തും ഇഷ്ടമുള്ള കോമ്പിനേഷനാണ്.

എന്നാൽ അത്ര എളുപ്പവും അല്ല നല്ലൊരു പുട്ട് ഉണ്ടാക്കാൻ

എത്ര ശ്രമിച്ചാലും ചില സമയങ്ങളിൽ പുട്ട് കല്ലുപോലെ ആകും.അങ്ങനെ പുട്ട് കല്ലാകാതിരിക്കാൻ ചില കാര്യങ്ങൾ ശ്രദ്ധിക്കാം.

ഈർപ്പമില്ലാതെ ഉണക്കിയെടുത്ത പച്ചരി നന്നായി പൊടിച്ചതാണ് പുട്ട് ഉണ്ടാക്കാൻ ഉപയോ​ഗിക്കേണ്ടത്.

പുട്ട് ഉണ്ടാക്കാനായി ആദ്യം ചെറുചൂടുള്ള വെള്ളം ഒഴിച്ച് പുട്ട് പൊടി നന്നായി നനച്ചെടുക്കണം. വെള്ളം കുറച്ചു കുറച്ചു ഒഴിച്ച്കൊടുത്ത് വേണം പൊടി നനയ്ക്കാൻ.

പൂർണ്ണമായും പുട്ട്പൊടി നനച്ചു കഴിഞ്ഞാൽ അൽപം പോലും കട്ടകൾ ഇല്ലെന്ന് ഉറപ്പാക്കാം.

നനച്ചുവെച്ചിരിക്കുന്ന പുട്ട് പൊടി കുറച്ചെടുത്ത് പുട്ട് കുറ്റിയിൽ ഇടുക.ഇതിന് മുകളിൽ കുറച്ച് തേങ്ങ ചിരകിയതും ചേർക്കണം.

പുട്ട് ഉണ്ടാക്കുമ്പോൾ പുട്ട് കുറ്റിയിലൂടെ ആവി വന്നു തുടങ്ങുമ്പോൾ തന്നെ അടുപ്പിൽ നിന്നും മാറ്റണം. അമിതമായി ആവി ഏൽക്കുന്നത് പൊടി വരണ്ടു പോകുന്നതിന് കാരണമാകും.