പഴം പെട്ടന്ന് കറുത്ത് പോകുന്നോ? പരിഹാരമുണ്ട്

വാഴപ്പഴം മലയാളികളുടെ ഇഷ്ട വിഭവങ്ങളിലൊന്നാണ്. പുട്ടിനൊപ്പം കുഴച്ച് കഴിക്കാനും വെറുതെ കഴിക്കാനും എല്ലാം.

വാഴപ്പഴത്തിന്റെ പുറമേയുള്ള തൊലിഭാഗം കറുത്ത് പോയാൽ പിന്നെ നമുക്ക് ആ പഴം കഴിക്കാൻ കുറച്ച് മടിയാണ്.

തൊലിഭാഗം കറുത്ത് പോയെന്ന് വച്ച് അത് കഴിക്കുന്നതില്‍ സാധാരണയായി കുഴപ്പം ഒന്നുമുണ്ടാവാറില്ല.

ഇനി മുതൽ ആ ബുദ്ധിമുട്ട് വേണ്ട . വാഴപ്പഴം കൂടുതൽ കാലം ഫ്രഷ് ആയി സൂക്ഷിക്കാനും കറുത്തുപോകാതെ ഇരിക്കാനും ചില സൂപ്പർ പൊടിക്കൈകൾ പറഞ്ഞ് തരാം.

വാഴപ്പഴം പഴുത്ത ശേഷം മാത്രം ഫ്രിഡ്ജിൽ വെക്കുക. പച്ചയായിരിക്കുമ്പോൾ ഫ്രിഡ്ജിൽ വെച്ചാൽ അത് പഴുക്കാതെ വരികയും പിന്നീട് കറുക്കുകയും ചെയ്യും.

വാഴപ്പഴം ഫ്രിഡ്ജിൽ വെയ്ക്കുമ്പോൾ പ്ലാസ്റ്റിക് കവറിലോ എയർടൈറ്റ് കണ്ടെയ്നറിലോ വെച്ച് സൂക്ഷിക്കുന്നതാണ് ഏറ്റവും നല്ലത്.

നാരങ്ങാനീരോ ഓറഞ്ച് നീരോ അല്ലെങ്കിൽ വിനാഗിരിയോ നേർപ്പിച്ച് ഒരു സ്പ്രേ ബോട്ടിലിൽ നിറയ്ക്കുക. മുറിച്ച വാഴപ്പഴത്തിന് മുകളിൽ ഇത് ചെറുതായി സ്പ്രേ ചെയ്യുന്നത് കറുത്തുപോകുന്നത് തടയാൻ സഹായിക്കും.

വാഴപ്പഴം കൂടുതൽ കാലം കേടുവരാതെ സൂക്ഷിക്കാൻ ഏറ്റവും ഫലപ്രദമായ മാർഗ്ഗങ്ങളിൽ ഒന്നാണ് വാക്വം സീലിംഗ്. വാക്വം സീലർ ഉപയോഗിച്ച് വായു പൂർണ്ണമായും പുറത്ത് കളഞ്ഞ് സിപ്പ്ലോക്ക് ബാഗില്‍ സീൽ ചെയ്യുന്നത് വാഴപ്പഴം കറുക്കുന്ന പ്രക്രിയ മന്ദഗതിയിലാക്കും.

വാഴപ്പഴം കറുക്കുന്നതിന്റെ പ്രധാന കാരണം അതിൽ നിന്ന് പുറത്തുവരുന്ന എഥിലീൻ ഗ്യാസ് ആണ്. ഇത് പുറത്തുവരുന്നത് സാവധാനത്തിലാക്കാൻ, വാഴപ്പഴത്തിന്റെ ഞെട്ടുഭാഗം പ്ലാസ്റ്റിക് റാപ്പ് ഉപയോഗിച്ച് നന്നായി പൊതിഞ്ഞു വയ്ക്കുക. ഇത് പഴം വേഗത്തിൽ പഴുക്കുന്നത് തടയും.

വാഴപ്പഴം മേശപ്പുറത്തോ മറ്റോ വെക്കുന്നതിന് പകരം തൂക്കിയിടുക. ഇങ്ങനെ ചെയ്യുമ്പോൾ പഴങ്ങളിൽ ചതവ് വീഴുന്നത് ഒഴിവാക്കാം, ഒപ്പം വായുസഞ്ചാരം എല്ലാ ഭാഗത്തും ഒരുപോലെ എത്തുകയും ചെയ്യും. ഇത് പെട്ടെന്ന് കറുത്തുപോകുന്നത് തടയും.

വാഴപ്പഴം മറ്റ് പഴങ്ങളിൽ നിന്ന് മാറ്റി സൂക്ഷിക്കാൻ ശ്രദ്ധിക്കുക.