പപ്പടം വേഗം കേടാകുന്നുണ്ടോ...? എങ്കില്‍ പരിഹാരം ഇതാ

മലയാളികള്‍ പൊതുവേ പപ്പട പ്രിയരാണ്.

പുട്ടും പപ്പടവും, കഞ്ഞിയും പപ്പടവും, ബിരിയാണിയും പപ്പടവും, ചോറും പപ്പടവും.. അങ്ങനെ പല തരത്തില്‍ പപ്പടം കഴിക്കുന്ന ശീലമുള്ളവരാണ് നമ്മള്‍.

പപ്പട പ്രിയരായത് കൊണ്ട് തന്നെ പപ്പടം വാങ്ങുമ്പോൾ നമ്മൾ കൂറേയങ്ങ് വാങ്ങിവെയ്ക്കും.

പക്ഷെ ഇങ്ങനെ ചെയ്യുമ്പോൾ പപ്പടം പെട്ടെന്നു കേടുവരുകയും ചെയ്യുന്നു.

ചില കാര്യങ്ങൾ ശ്രദ്ധിച്ചാൽ പപ്പടം കേടുവരുന്നത് തടയാൻ കഴിയും.

പപ്പടം ഈര്‍പ്പമില്ലാതെ നന്നായി സൂക്ഷിച്ചാല്‍ തന്നെ ഏറെ കാലം പുതിയതു പോലെ നിലനിര്‍ത്താന്‍ കഴിയും.

പ്ലാസ്റ്റിക് അല്ലെങ്കില്‍ ഗ്ലാസ് എയര്‍ടൈറ്റ് അടപ്പുള്ള കുപ്പികളിൽ പപ്പടം സൂക്ഷിക്കുന്നത് നല്ലതാണ്. സിലിക്കാ ജെല്‍ പാക്കറ്റ് ഉപയോഗിക്കുക.

അതുപോലെ പാക്കറ്റ് പൊട്ടിക്കാത്ത പപ്പടമാണെങ്കില്‍ അങ്ങനെ തന്നെ ഫ്രിഡ്ജില്‍ വയ്ക്കാവുന്നതാണ്.

പൊട്ടിച്ചു രണ്ടു ദിവസം കഴിഞ്ഞതാണെങ്കില്‍ എയര്‍ടൈറ്റായ പാത്രത്തില്‍ ഫ്രിഡ്ജിൽ വയ്ക്കാവുന്നതാണ്.

വറുത്ത പപ്പടമാണെങ്കില്‍ പ്ലാസ്റ്റിക്ക് കവറില്‍ കെട്ടി വയ്ക്കാം. ഇങ്ങനെ ചെയ്താല്‍ ഒരാഴ്ച വരെ പപ്പടം കേടുവരാതെ ഇരിക്കും.