പട്ടിണി കിടക്കാതെ തടി കുറച്ചാലോ? സൂപ്പര്‍ ഡയറ്റ് പ്ലാൻ ഇതാ

പട്ടിണി കിടക്കാതെ ഒരാഴ്ച കൊണ്ട് ശരീരഭാരം കുറയ്ക്കണമെന്ന് ആഗ്രഹിക്കുന്നവരല്ലേ നമ്മളിൽ കൂടുതൽപേരും.

സുരക്ഷിതവും ആരോഗ്യപ്രദവുമായ ഒരു ഡയറ്റ് പ്ലാൻ‍ പരിചയപ്പെട്ടാലോ.

തിങ്കള്‍- ഫ്രൂട്ട് ഡയറ്റ്

2 ആപ്പിളും 1 മാതളവും കഴിച്ചു കൊണ്ട് ദിവസം ആരംഭിക്കാം. ദിവസം അവസാനിക്കുന്നതിനു മുൻപ് ഒരാൾ 4 ആപ്പിൾ, 4 ഓറ‍ഞ്ച്, 1ചെറിയ തണ്ണി മത്തൻ, 2 മാതളം എന്നിവ കഴിക്കാം. ഫ്രൂട്ട് ജ്യൂസ് കഴിക്കാൻ പാടില്ല. ഏറ്റവും കുറഞ്ഞത് 10 ഗ്ലാസ് വെള്ളം കുടിച്ചിരിക്കണം.

ചൊവ്വ- വെജിറ്റബിള്‍ ഡയറ്റ്

പച്ചക്കറികള്‍ സാലഡിന്റെ രൂപത്തില്‍ വേവിക്കാതെയോ അല്ലെങ്കിൽ വേവിച്ചോ കഴിക്കാവുന്നതാണ്. ക്രീം, ബട്ടർ, പാൽ, എണ്ണ എന്നിവ ഉപയോഗിക്കാൻ പാടില്ല.10 ഗ്ലാസ് വെള്ളം നിർബന്ധമായും കുടിച്ചിരിക്കണം.

ബുധൻ- ഫ്രൂട്ട് ആന്‍ഡ് വെജിറ്റബിള്‍ ഡയറ്റ്

ഈ ദിവസം കഴിയുന്നത്ര പഴങ്ങളും പച്ചക്കറികളും കഴിക്കാം. പക്ഷേ എണ്ണ, ചീസ്, ബട്ടർ തുടങ്ങിയ സാധനങ്ങൾ കഴിക്കാൻ പാടില്ല. ഫ്രൂട്ട് ജ്യൂസും കുടിക്കരുത്. ഏത്തപ്പഴം, ഉരുളക്കിഴങ്ങ് എന്നിവ ഒഴിവാക്കണം. 12 ഗ്ലാസ് വെള്ളം കുടിച്ചിരിക്കണം.

വ്യാഴം- വാഴപ്പഴങ്ങൾ.

10 വാഴപ്പഴങ്ങൾ, മൂന്നു ഗ്ലാസ് പാൽ, ഒരു ഡയറ്റ് സൂപ്പ് എന്നിവ കഴിക്കാം. 12 ഗ്ലാസ് വെള്ളം കുടിച്ചിരിക്കണം.

വെള്ളി- ബ്രൗൺ റൈസ്

കുറച്ച് ഫലവർഗങ്ങൾ, ഒരു ചെറിയ ബൗൾ വേവിച്ച ബ്രൗൺ റൈസ്, ഒരു ചെറിയ കപ്പ് പരിപ്പ് എന്നിവ കഴിക്കാം.ബ്രൗൺ റൈസിനും പരിപ്പിനുമൊപ്പം ഒരു ബൗൾ സാലഡും ഒരു ഗ്ലാസ് ബട്ടർ മിൽക്കും ഉപയോഗിക്കാം.14 ഗ്ലാസ് വെള്ളം കുടിക്കണം.

ശനി- സ്പെഷ്യൽ

പച്ചക്കറികൾക്കൊപ്പം ഒരു ബൗൾ വേവിച്ച ബ്രൗൺ റൈസ് കഴിക്കാം.ഒരു ബൗൾ സാലഡ്, ഒരു ബൗൾ സൂപ്പ്, ഒരു ഗ്ലാസ് ബട്ടർ മിൽക് എന്നിവയും ഡയറ്റിൽ ഉൾപ്പെടുത്താം.

ഞായർ- മിക്സഡ്

ഇതിൽ ഫലവർഗങ്ങളുടെ മിശ്രിതം, പച്ചക്കറികൾ, ഒരു ചെറിയ ബൗൾ വേവിച്ച ബ്രൗൺ റൈസ്, ഒരു ചെറിയ കപ്പ് പരിപ്പ് എന്നിവ കഴിക്കാം.ഒരു ഗ്ലാസ് ഓറഞ്ചോ മുന്തിരി ജ്യൂസോ കുടിക്കാവുന്നതാണ്.