'കയ്യിലെ ഉള്ളി മണം മാറ്റാം'; ചില അടുക്കള ഹാക്കുകൾ

പാചകം ചെയ്യലും വൃത്തിയാക്കലുമായി അടുക്കളയിൽ കൂടുതൽ സമയം ചെലവഴിക്കുന്നവരാണ് നമ്മളിൽ പല ആളുകളും.

തിരക്കിട്ട ജീവിതത്തിനിടയിൽ അടുക്കളയിൽ കൂടുതൽ സമയം ചെലവഴിക്കുന്നത് ‌പലപ്പോഴും ഒരു വെല്ലുവിളിയായി മാറാറുണ്ട്.

അടുക്കളയിൽ സ്റ്റാറാകാൻ ഉള്ള ചില ഹാക്കുകൾ നോക്കാം.

ഉള്ളി കട്ട് ചെയ്ത് കഴിഞ്ഞാൽ കൈയിൽ ഉള്ളി മണം ഉണ്ടാവാറുണ്ട്. പിന്നെ എന്ത് പിടിച്ചാലും ആ മണം അതിലേക്കാവുകയും ചെയ്യും. അതിനെ നീക്കാൻ ചെയ്യാൻ ഒരു സ്റ്റീൽ സ്പൂൺ കൈയിൽ ഉരച്ച് വെള്ളത്തിൽ കഴുകി നോക്കൂ. സ്റ്റീലിന്റെ മെറ്റൽ ഉള്ളി മണത്തെ വലിച്ചെടുത്ത് ഇല്ലാതാക്കുന്നു.

വെളുത്തുള്ളി ഒരു മിനിറ്റ് ഓവനിൽ ചൂടാക്കി എടുത്താൽ, തൊലി പെട്ടെന്ന് കളയാൻ സാധിക്കും.

വീട്ടിൽ തയ്യാറാക്കുന്ന ഫ്രെഞ്ച് ഫ്രൈസ് പലപ്പോഴും കടയിലെ പോലെ ക്രിസ്പിയാകാറില്ല.ഇതിന് വേണ്ടി കട്ട് ചെയ്ത ഉരുളക്കിഴങ്ങ് അരമണിക്കൂർ ഐസ് വെള്ളത്തിൽ ഇട്ടുവെച്ചാൽ ഫ്രൈസ് നന്നായി ക്രിസ്പിയാകും.

തേൻ, പീനട്ട് ബട്ടർ പോലുള്ളവ എടുക്കുമ്പോൾ സ്പൂണിൽ പറ്റിപ്പിടിക്കാറുണ്ട്. ഇതു ഒഴിവാക്കാൻ, എടുക്കുന്നതിന് മുമ്പ് സ്പൂണിൽ അല്പം എണ്ണ തേച്ചാൽ മതിയാകും.