എന്ത് കഴിച്ചാലും ഇനി ലിപ്സ്റ്റിക് പോവില്ല; ചില ലിപ്സ്റ്റിക് ഹാക്കുകൾ

വളരെ ശ്രദ്ധിച്ചു പുരട്ടുന്ന ലിപ്സ്റ്റിക്, ഒരു ചായ കുടിക്കുമ്പോഴേക്കും പകുതി മാഞ്ഞുപോകുന്നത് മിക്ക പെൺകുട്ടികളെയും അലട്ടുന്ന പ്രശ്നമാണ്.

ഇടയ്ക്കിടെ ടച്ച്-അപ്പ് ചെയ്യുക എന്നത് എല്ലായ്പ്പോഴും പ്രായോഗികവുമല്ല.

എന്നാൽ കുറച്ച് ലളിതമായ ട്രിക്കുകൾ ഉപയോഗിച്ചാൽ ലിപ്സ്റ്റിക് നിലനിർത്താം.

ദി ലിപ് പ്രൈമർ ഹാക്ക്

ലിപ്സ്റ്റിക് ഇടുന്നതിന് മുൻപ് ചുണ്ടിൽ അല്പം കൺസീലർ ഡാബ് ചെയ്യുക. ഇത് ചുണ്ടിന്റെ സ്വാഭാവിക നിറത്തെ ഹൈഡ് ചെയ്യുകയും ലിപ്സ്റ്റിക് നിറം പത്തിരട്ടി കൂടുതൽ ബ്രൈറ്റ് ആയി കാണിക്കാനും ദീർഘനേരം നിൽക്കാനും സഹായിക്കും.

ലിപ് സെറ്റിംഗ് സ്പ്രേ

മുഖത്ത് മേക്കപ്പ് സെറ്റ് ചെയ്യാൻ ഉപയോഗിക്കുന്ന സെറ്റിംഗ് സ്പ്രേ ഒരു ബ്യൂട്ടി ബ്ലെൻഡറിലോ വിരലിലോ ആക്കി ലിപ്സ്റ്റിക് ഇട്ട ശേഷം ചുണ്ടിന് മുകളിൽ പതുക്കെ ടാപ്പ് ചെയ്യുക.

ഡബിൾ ലെയറിംഗ് വിത്ത് ടിഷ്യു

ഒരു കോട്ട് ലിപ്സ്റ്റിക് ഇട്ട ശേഷം ഒരു നേർത്ത ടിഷ്യു ചുണ്ടിൽ വെച്ച് അതിന് മുകളിലൂടെ ലൂസ് പൗഡർ ഇടുക. എന്നിട്ട് ടിഷ്യു മാറ്റി രണ്ടാമതും ലിപ്സ്റ്റിക് ഇടുക.

ലിപ് ലൈനർ

ലിപ്സ്റ്റിക് ഇടുന്നതിന് മുൻപ് ചുണ്ടിന്റെ ബോർഡർ മാത്രം വരയ്ക്കാതെ, ചുണ്ട് മുഴുവനായി ലിപ് ലൈനർ കൊണ്ട് കളർ ചെയ്യുക. ലിപ്സ്റ്റിക് മാഞ്ഞാലും നിങ്ങളുടെ ചുണ്ട് കളർഫുൾ ആയി ഇരിക്കാൻ ഇത് സഹായിക്കും.

ഔട്ട്‌ലൈൻ കൺസീൽ ചെയ്യുക

ലിപ്സ്റ്റിക് ഇട്ടു കഴിഞ്ഞാൽ ചുണ്ടിന് ചുറ്റും വളരെ നേർത്ത രീതിയിൽ കൺസീലർ ഉപയോഗിച്ച് ഒരു ഔട്ട്‌ലൈൻ കൊടുക്കുക. ഇത് ലിപ്സ്റ്റിക് ചുണ്ടിന് പുറത്തേക്ക് പടരുന്നത് പൂർണ്ണമായും തടയും.