ചില കാര്യങ്ങളിലൂടെ ഹാര്‍ട്ട് അറ്റാക്ക് ഒഴിവാക്കാം

പെട്ടെന്ന് ജീവന്‍ കൊണ്ടുപോകുന്ന അവസ്ഥയാണ് ഹാര്‍ട്ട് അറ്റാക്ക്.

ഹാര്‍ട്ട് അറ്റാക്ക് ഒഴിവാക്കാന്‍ നമുക്ക് ചെയ്യാവുന്ന ചില അടിസ്ഥാനകാര്യങ്ങളുണ്ട്. ഇവയെക്കുറിച്ചറിയാം

ഉറക്കം ​

ഒരാൾ ഒരു ദിവസം 7 മണിക്കൂറെങ്കിലും ഉറങ്ങിയിരിക്കണം.എന്നാൽ 9 മണിക്കൂറില്‍ കൂടുതലും ഉറങ്ങരുത്.

​ഭക്ഷണ നിയന്ത്രണം​

നാല്‍പതുകള്‍ കഴിഞ്ഞാല്‍ ഭക്ഷണനിയന്ത്രണം പ്രധമാണ്. വറുത്തതും പൊരിച്ചതും, ബേക്കറി, റെഡ് മീറ്റ്, പ്രോസസ് ചെയ്ത ഭക്ഷണങ്ങൾ എന്നിവ നിയന്ത്രിയ്ക്കുക.

വ്യായാമം​

ഏറെ നേരം ഇരിയ്ക്കാതിരിയ്ക്കുക, ഇടയ്ക്കിടെ എഴുന്നേറ്റ് നടക്കുക. ദിവസവും ഒറു മണിക്കൂറെങ്കിലും വ്യായാമം ചെയ്യാം.

മദ്യപാനം

അമിതമായാല്‍, രക്തത്തിലെ ട്രൈഗ്ലിസറൈഡിന്‍റെ അളവ് കൂടും. ഇത് ഹൃദ്രോഗത്തിനുള്ള പ്രധാനപ്പെട്ട കാരണമാണ്. അതിനാല്‍ മദ്യപാനം ഒഴിവാക്കുക.

ഉപ്പിന്‍റെ അമിത ഉപയോഗം

ഭക്ഷണത്തില്‍ ഉപ്പിന്‍റെ അളവും കുറയ്ക്കുക. ഇവ രക്തസമ്മര്‍ദ്ദം ഉയരാനും ഹൃദയാരോഗ്യം മോശമാകാനും കാരണമാകും.

നിര്‍ജ്ജലീകരണം

ശരീരത്തിലെ ജലാംശം നിലനിര്‍ത്തുക. ഇതിനായി ദിവസവും ഏഴ്- മുതല്‍ എട്ട് ഗ്ലാസ് വെള്ളം വരെയെങ്കിലും കുടിക്കണം.

പുകവലി

പുകവലി ഉപേക്ഷിക്കുന്നതും ഹാര്‍ട്ട് അറ്റാക്ക് സാധ്യത കുറയ്ക്കാന്‍ ഗുണം ചെയ്യും. ഇനി പുകവലിക്കാത്തവര്‍, പുകവലിക്കുന്നവരുടെ അടുത്തു നിന്ന് മാറിനില്‍ക്കാനും ശ്രദ്ധിക്കുക. കാരണം പാസീവ് സ്‌മോക്കിങ് മൂലമുള്ള ഹൃദ്രോഗനിരക്ക് ഏറിവരുകയാണ്.

സ്ട്രെസ്

അനാവശ്യമായ ടെന്‍ഷനും മാനസിക സമ്മര്‍ദങ്ങളും നിയന്ത്രിക്കുന്നതും ഹൃദയാഘാതം ഉണ്ടാകാനുള്ള സാധ്യത കുറയ്ക്കും. സ്ട്രെസ് കുറയ്ക്കാന്‍ ശ്വസന വ്യായാമങ്ങളും ധ്യാനവും യോഗയുമൊക്കെ ശീലമാക്കാം.